Con motivo da conmemoración do "Día Mundial do Autismo" o 2 de abril, nós, dende o CEIP Santa María, quixemos participar na xornada organizada o pasado 31 de marzo polo centro ASPANAES, no pavillón municipal.

Os nenos de 6º de primaria asistiron a unha sesión con alumnos deste centro, onde compartiron xogos tan comúns como birlos, baloncesto, carreiras...entre outros.

Como non podía ser doutro xeito, ao remate todos tiveron recompensa.

Se queres ver os mellores momentos desta emotiva xornada, preme aquí. 

Do 8 ao 12 de marzo celebrouse no colexio a Semana da Prensa.

O tema elixido para traballar cos xornais foi "Palabras da prensa que nos gustan a nós".

Pódense ver os nosos traballos premendo aquí.

O venres, día 4 de marzo, tivemos a festa do Entroido no colexio.

Este ano, o centro de interese foron "as fragas", polo que cada ciclo representou co seu disfrace un elemento delas: os ríos, os acivros, os carballos, os castiñeiros, os felgos, os coellos, os raposos... Elaborámolos nas clases con bolsas e cartolinas, desfilando despois polas rúas próximas. Tamén cantamos na nosa praza a murga titulada "Entroido fragueiro", na que abordamos a defensa e a protección das nosas fragas e da natureza en xeral, cunha parcarta alusiva ao tema.

O 30 de xaneiro celebrouse o Día Escolar pola Paz e a Non Violencia.

Pretendendo que o noso centro sexa un instrumento de paz e entendemento entre persoas de distinta raza, formación, cultura ou relixión, fixemos diversas actividades. Tamén nos vestimos de pombas para darlle unha aperta simbólica ao colexio.

Se premedes aquí, poderedes ver algúns destes momentos.

Como di o refraneiro "Polo San Martiño, peóns ao camiño".

 Pois no colexio Santa María quixemos facer bo o dito e celebramos o día (11 de novembro) bailando os nosos peóns  con bastante arte como se pode ver nestas imaxes.

O día 12 de novembro celebramos o Magosto no colexio. Fixemos diversos traballos nas clases e unha "olimpiada castañeira" na que xogaron todos os rapaces. Practicáronse xogos, traballouse a expresión artística, as capacidades motrices e as habilidades e destrezas.

Rematamos cun xantar na clase no que non faltaron os batidos e as castañas asadas que nos trouxeron os pais e nais  da ANPA do centro,así como diversas lambetadas que cada rapaz trouxo da súa casa e que compartimos todos.

Aquí podedes ver algunhas fotos desta celebración.

A celebración do Día da Biblioteca ten a finalidade de poñer en valor este importante instrumento educativo no seo das comunidades escolares.

No noso centro fixemos diversas actividades para conmemorar este día:

1. Pegada de carteis.

2. Cada neno recomenda un libro.

3. Flores con lema para decorar a biblioteca.

4. Mochilas  Viaxeiras.

Se queres ver outras instantáneas, preme aquí.

O día 9 de novembro os alumnos de 5º e 6º de primaria, acompañados polas súas titoras, achegáronse á cidade de Santiago para visitar unha exposición que, ata o momento, só fora mostrada no Xapón. Patrocinada pola Fundación Caixanova, chegou a Colección Zanchi: Mestres da Arte. Diversas obras de autores como Durero, Tizziano, Tintoretto, Miguel Ángel, Murillo ou Ribera, foron explicadas aos nenos nunha visita guiada que suscitou neles grande interese e atención.

No mesmo recinto, e con explicación da mesma guía, puideron desfrutar doutra exposición: El Pórtico de la Gloria. Misterio y sentido.

Tamén se aproveitou a viaxe para facer a visita á Catedral e os seus museos e á igrexa de Santo Domingo de Bonaval onde estaban expostos 35 árbores de aceiro inoxidable, obras do autor Xurxo Oro Claro. Pulsa aquí para ver máis fotos.

Este ano, os alumnos do noso colexio tamén nos esforzamos moito para preparar os traballos que presentamos ao concurso convocado polo Concello para celebrar a Feira de Fungos e Cogomelos.

Estamos moi contentos porque acadamos moitos premios. Aquí tedes unha mostra dalgúns dos traballos presentados.