Actividades

O 25 de novembro é un día de especial relevancia nun centro escolar, pois conmemora o Día Internacional da Eliminación da Violencia contra as Mulleres. Nesta xornada, os corredores e as aulas enchense de reflexión e compromiso para sensibilizar a comunidade educativa sobre a importancia de erradicar a violencia de xénero. Decorar o centro con símbolos de solidariedade, como a árbore solidaria e organizar eventos especiais axuda a concienciar sobre os efectos negativos da violencia de xénero na sociedade. Este día serve como recordatorio de que a educación é clave para construír un futuro onde a igualdade e o respecto sexan os principios fundamentais.

Os estudantes de 5º e 6º do noso cole experimentaron a fusión perfecta entre música e conciencia ambiental grazas ao obradoiro de percusión ofrecido polo grupo EcoPercusión.

Co son dos tambores feitos con materiais reciclados encheu os pasillos do noso colexio cun ritmo enérxico e envolvente. Os participantes tiveron a oportunidade de aprender sobre a importancia da sustentabilidade mentres disfrutaban da música.

Bailar, tocar os instrumentos e crear música xuntos foron só algunhas das actividades nas que os nosos estudantes participaron activamente. O taller non só foi divertido, senón tamén educativo, pois co obradoiro de EcoPercusión compartiu valiosos coñecementos sobre a creación de instrumentos a partir de materiais reciclados.

O pasado 31 de outubro celebramos o Samaín no centro. Organizamos a exposición de cabazas terroríficas e houbo actividades de todo tipo nas aulas. Podedes disfrutar dun resumo no vídeo colgado en Instagram. Buh! Que medo!

Os nosos pequenos alumnos e alumnas de Infantil tiveron a oportunidade de participar nun emocionante entreno de judo. Este evento promoveu a disciplina, o condicionamento físico e habilidades físicas entre os nosos alumnos e alumnas. Os máis pequenos e pequenas do cole pasaron por unha chea de acción e diversión!