O pasado venres 25 de novembro o alumnado de 4ºA quixo manifestar a súa repulsa ante todo tipo de violencia, especialmente a que vai dirixida contra as mulleres.

Álbum: Curso 2022/2023 -> 25 N

Hoxe, mércores 23, tivo lugar a segunda sesión do proxecto EmocionaT. 

O alumnado de Educación Primaria recibiu orientacións sobre como poder expresar as súas emocións do mellor xeito posible.

Álbum: Curso 2022/2023 -> Proxecto Emocións

INFORMACIÓN RENOVACIÓN CONSELLO ESCOLAR

Infórmase que as candidatas a formar parte do Consello escolar do CEIP Rosalía de Castro, Padrón son:

Dª María Basadre Barreiro e Dª Vanesa Loureiro García.

As eleccións, votacións, terán lugar o MARTES 29 DE NOVEMBRO de 9:35 a 11:00 h.

Para poder votar deberá acreditar a súa identidade mediante documento legal, como DNI, pasaporte,..

Poden votar tanto a nai como o pai así como o/as titores legais.

En vindeiros días as persoas que formen parte da mesa electoral, recibirán convocatoria. Esta mesa estará formada por 4 pais/nais e a dirección do centro.

Animamos a tod@s a votar e participar neste órgano.

Hoxe, venres 18 de novembro de 2022, co gallo da celebración do Día Mundial da Infancia, o alumnado de educación primaria do noso colexio recibiu unha interesante charla sobre a gran importancia de que todos os nenos e nenas do mundo conten cun fogar para o seu pleno desenvolvemento persoal e un lugar seguro onde teñan cabida os valores familiares.

Álbum: Curso 2022/2023 -> Día da Infancia 2022

ELECCIÓNS CONSELLO ESCOLAR

Resolución 19 de setembro de 2022

D.O.G. 30 setembro 2022

De seguido imos dar unhas breves indicacións sobre o proceso de renovación ao consello escolar:

Cantos membros corresponde renovar este curso no consello escolar, sector “nais/pais”?

Serán dous postos os que hai que renovar.

Cantos nomes se poden seleccionar na papeleta de votación?

Un nome. Só se poderá marcar UN candidat@ na papeleta.

Que hai que facer para presentar candidatura?

Cubrir a solicitude no colexio, até o 18 de novembro de 2022 ás 14:00 h.

Quen pode votar?

A nai, pai, ou titor/a legal. TODOS/AS

Como se constituirá a mesa de votación?

Por sorteo, entre as nais, pais, titores legais do alumnado. A mesa electoral estará constituída por catro nais/pais e o director do centro.

Cando serán as votacións?

O martes 29 de novembro, a partires das 9:35 h.

Onde se votará?

Únicamente na mesa que se constituirá no colexio. Non se admitirán votos por correo.

Para poder votar, hai que identificarse?

Si, con calquera documento oficial, con foto (DNI, pasaporte, carné de conducir,...)

Quen pode resolver as dúbidas sobre o proceso electoral?

No DOG do 30 setembro de 2022, ou calquera membro da xunta electoral, ou directamente na dirección do colexio.

Animamos a todas/os a participar nestas eleccións, xa que todas/os temos responsabilidade na educación, formación dos menores.

O director

O alumnado do colexio fixo gala da súa creatividade no concurso de cabazas da pasada semana. Aquí están @s premiad@s:

Adan Negreira (Ed. Infantil)

Juan Vigo (Ed. Primaria 2ºA)

Tirso Arufe (Ed. Primaria 3ºA)

Mariña López (Ed. Primaria 5ºA)

Parabéns!

Álbum: Curso 2022/2023 -> Concurso Cabazas 2022

Desde fai uns días o programa “abalar” non avisa da chegada de información. Desde o centro estamos enviando documentos pero a vostedes non lles chega o aviso. Si chega o documento pero non a advertencia.

Por isto, recomendamos que revisen a aplicación “abalar” de cando en vez,  co obxecto de estar o mellor informad@s posible.

Moitas grazas