O pasado venres 3 de marzo, grazas á implicación de toda a Comunidade escolar do Ría, tivemos oportunidade de sentirnos, colectivamente, un colexio solidario, comprometido e que, cando a situación o require, ahí estamos todas e todos para tender a man a quen necesita e o require.
Grazas polos 1.057 euros recadados (xa ingresados na Fundación Unoentrecienmil). Grazas ao alumnado, profesorado, familias e ANPA por embarcarse dende un primeiro momento neste proxecto, á Comunidade de Montes polo seu apoiio incondicional ante calquera proposta que lle presentamos, a Discamino por ser a punta da nosa marcha, á Froitería Manzanó por ofrecernos unha merenda tan sá, á Concellería de Patrimonio Historico por abrirnos as portas da Vila Romana, á Concellería de Deportes e Alcaldía de Vigo por acompañarnos, a Luis Estevez por deixarnos ver dende as alturas, aos conductores que nos animaban coas súas bocinas, á veciñanza que nos acompañou na nosa chegada á meta...- e sobre todo, GRAZAS a Marcos, Joel e a Mara, por que, grazas a eles, aprendemos tódolos días a camiñar cara adiante cun amplo sorriso na boca facéndolle fronte a palabras tan ferintes como leucemia ou cancro. Un día para non esquecer!!!
