Publicadas na galería as fotos da saída de fin de curso á praia de Cabanas. Mágoa que a chuvia nos obrigase a volver ao cole con parte do alumnado antes da hora programada. Aínda así houbo tempo suficiente para que o alumnado de 2º a 6º participase, en grupos heteroxéneos, nos xogos organizados para a ocasión polo equipo de Actividades Extraescolares: o túnel, zig-zag, a bomba, o pano, ademais de xogos co paracaídas e cos aros. Mentres, os nenos/as máis pequenos gozaron xogando polo pinar ou coa area da praia.
Os que voltamos antes do previsto continuamos a xornada de convivencia comendo no centro e xogando no patio, con animación musical incluída.
Premer nas imaxes para acceder aos vídeos do Festival de Fin de Curso, ás fotos dos premiados no concurso "Poesía de Primavera" (convocado polo CEP de Ventín), ás da entrega de diplomas aos colaboradores/as da biblioteca e ás da excursión de todo o centro a Cerdido do pasado 21 de xuño. Recomendable tamén a visita ao Blog da Biblioteca (menú lateral dereito) para ver as suxestións de Zongalo Quirico.
Publicadas na galería as imaxes da excursión de alumnado, profesorado e membros da ANPA do centro á área recreativa "O CASTRO" de Cerdido.
Os partidos de brilé e de fútbol, o circuíto de xogos (bolos, túnel, corda, zig-zag, bomba, o pano, paracaídas, aros...), a comida campestre e o excelente día de sol co que contamos, axudaron a que esta xornada de convivencia resultase todo un éxito.
