Os alumnos e alumnas de 2º e 5º de primaria, asistimos no Pazo da Cultura de Narón á edición 2015 do CORRELINGUA, unha proposta de carácter lúdico-educativo na que participamos milleiros de rapaces e rapazas en moitas localidades de Galicia e coa que se nos convida a exercer como galegos e galegas a través do uso do noso idioma e garantir o seu futuro.
Atopámonos alí nenos e nenas de moitos colexios de Ferrol e Narón e todos xuntos fixemos unha marcha para reivindicar o noso dereito a medrar en galego, participamos nunha sesión de xogos populares e asistimos no Auditorio a un contacontos e á actuación do músico galego Paco Nogueira que nos fixo bailar coas cancións do seu disco Brinca vai!
Defendimos a nosa lingua dun xeito moi divertido.
