O día 15 de abril, os nenos e nenas de 5º de primaria fixemos unha excursión a Santiago de Compostela e visitamos o Parlamento de Galicia, a catedral e o Museo Pedagóxico Galego.
O Parlamento de Galicia é unha institución que representa a todos os galegos e galegas. Está composto por 75 deputados e deputadas elixidos por un período de catro anos, por todos os cidadáns de Galicia maiores de idade inscritos nunha listaxe chamada censo electoral.
O Parlamento ten, entre outras, as seguintes funcións:
- Aprobar as leis de Galicia.
- Controlar que o Goberno galego, chamado Xunta de Galicia, exerza a súa función.
- Elixir ao presidente da Xunta.
- Aprobar os presupostos.
Cando chegamos, percorrimos o edificio que nos pareceu maxestuoso. Estivemos nas salas de reunión dos grupos políticos representados no Parlamento, e na biblioteca fixemos unha representación dun debate como se nós fósemos deputados e deputadas.
Finalmente vimos un pleno en directo desde unha tribuna.
Despois da visita ao Parlamento comimos e xogamos na alameda e pola tarde visitamos a Catedral de Santiago.
Finalmente, fomos ao Museo Pedagóxico Galego (MUPEGA), donde vimos como eran os xoguetes que utilizaban os nosos avós e bisavós, como eran as súas aulas, sentámonos nos seus pupitres e escribimos nas pizarras que utilizaban. Explicáronnos tamén como os nenos e nenas daqueles tempos se reunían nalgunhas casas para aprender a ler e escribir, cando non tiñan escolas cerca.
Pasámolo moi ben e ademais aprendimos moitas cousas.
Ao longo do pasado mes de maio, alumnado de EI e EP asistiu aos concertos didácticos que tiveron lugar no teatro Jofre. Trátase dunha iniciativa na que colaboran o Concello de Ferrol e a Escola de Música BellónMaceiras co obxectivo de achegar a música tradicional galega aos nenos e nenas desde un punto de vista educativo e participativo.
