No noso centro, durante este curso escolar poñemos en marcha con moita ilusión o Proxecto EDIXGAL, que este ano está destinado ao alumnado de 5º de primaria.
Con este proxecto pretendemos desenvolver a competencia dixital do noso alumnado dunha forma inmersiva, empregando as TIC como parte diaria do proceso de ensinanza-aprendizaxe, promovendo o traballo colaborativo, a solución de problemas e sobre todo dar acceso a novos recursos e ferramentas que sen dúbida repercutirán moi positivamente na formación integral do noso alumnado.
No centro educativo, o alumnado e o profesorado traballará nas aulas dixitais. Son aulas que dispoñen dun encerado dixital interactivo, un proxector, un equipo para o profesor, e un equipo para cada alumno. Ademais, a aula conta con conexión WIFI para que o alumnado e profesorado teña acceso aos contidos dixitais e seguir a actividade educativa na aula desde o seu equipo.
Para máis información, premede na imaxe e accederedes a unha páxina con recursos, videotitoriais e moitas máis novidades sobre este proxecto.
Arrancamos!
