DÍA DA MULLER

Enviado por Anónimo o Lun, 09/03/2015 - 00:56

O domingo 8 de marzo celebrouse o Día da Muller. Dende o equipo da biblioteca animámosvos a que veñades ler os libros que están na mesa da entrada e que teñen como protagonistas ás mulleres. Algúns deles sonaranvos pois alí atoparedes a "Arturo e Clementina" de Adela Turín. Este é o libro orixinal que lle escoitástedes contar á contacontos do venres na Casa da Cultura.

Dende a biblioteca aquí vos deixamos o conto de Rosa Caramelo que non coñeceredes pero que de seguro vos gustará moito!

E ti que prefires? Ser rosa ou gris?

Así mesmo tamén nos gustaría mostrarvos unha fermosa cantiga de Guadi Galego titulada MATRIARCAS e que fala, precisamente, da importancia das mulleres galegas e a súa labor na vida cotiá.

A SAISA esta cantiga recórdalle ás bonecas que viu cando visitou Rusia. Chamábanse ata parecido: MATRIOSHKAS Se queredes saber que son e que simbolizan estas peculiares bonecas picade AQUÍ.

En Galicia o pintor galego LEANDRO LAMAS, fixo un cadro moi bonito representando ás mulleres galegas de diferentes xeracións como MATRIARCAS OU MATRIOSKAS. Se picades no cuadro accederedes ao blog deste pintor e saberedes máis cousas sobre el.

Feliz DÍA DA MULLER!