Pinchando no seguinte enlace pódese ver o Vídeo do Proxecto Tecendo Poemas, traballado baixo a coordinación do Equipo de Biblioteca do Colexio e no que aparecen numerosas poesías recitadas polos seus autores/as, todos eles/as alumnos/as do CEIP Nosa Señora dos Remedios. Este proxecto fíxose ao longo do mes da poesía traballado no colexio. Felicitamos a todos/as os que participaron nesta actividade.

O enlace é: https://www.youtube.com/watch?v=AMU30S7KaiU

Para informarte sobre as actividades da Biblioteca do CEIP Nosa Señora dos Remedios pincha aqui

O Equipo da Biblioteca do noso colexio elaborou a seguinte guía de lecturas para o verán:

Pinchando no seguinte enlace poderás ver o vídeo coa lectura por parte de alumnos/as de 6º de E. Primaria do noso colexio do poema "Díxome nantronte o cura" que forma parte de Cantares Gallegos de Rosalía de Castro:

http://youtu.be/DAa_t9yoCAY

Dentro das actividades coordinadas polo Equipo de Biblioteca do colexio e como parte da celebración do Samaín, dende o pasado 29 de outubro e ata hoxe 8 de novembro, levouse a cabo a lectura de contos de medo escritos por alumnos/as do colexio.

A estas lecturas asistiron alumnos e alumnas de todos os cursos segundo o calendario que se propuxo, sendo un éxito importante, destacando a calidade destes contos.       

Para ver a información sobre a Biblioteca do CEIP Nosa Señora dos Remedios, así como as actividades que desenvolve, vai á Bitácora Viaxa con Popi, pinchando no seguinte enlace: http://viaxaconpopi.blogspot.com.es/

Este venres 11 de decembro entregáronse os agasallos do Concurso de Relatos de Medo, organizado polo Equipo de Biblioteca do Colexio. Nel participaron alumnos/as do noso Centro.

Os gañadores foron:

SARA 3ºA
NURIA 4ºB
LUANA 4ºC
IVAN 5ºA
GABRIEL 5ºB
DIEGO 6ºA
NOELIA 6ºC
Tamén se entregaron agasallos a todos os participantes.

FESTA NA BIBLIOTECA

Hoxe, na hora do recreo, celebrouse a festa de remate de curso na nosa Biblioteca, previa convocatoria a semana pasada a través da súa mascota Popi.

O dinamizador da Biblioteca, xunto coa súa mascota e algunha axudante, organizou unha festa para todo o alumnado, con música e comilona. Pois a biblioteca pecha as súas portas até o vindeiro curso.

Primeiro tiveron  a festa de despedida de curso os rapaces e rapazas de E. Infantil, na hora do seu recreo. Estes rapaces e rapazas fixerono de xeito moi ordenado.

Logo chegoulle o turno aos rapaces e rapazas de Primaria no seu recreo, estaban moi inquedos e non lles daba chegado a hora de que os deixaran pasar.

A festa, como se pode ver na galería de imaxes, resultou todo un éxito. Agardamos que no vindeiro curso estes rapaces e rapazas sigan con tantas ganas de vires a visitar a Biblioteca e a súa mascota, Popi. E....LER MOOOOITO!

MOI BOAS VACACIÓNS!! E NON VOS ESQUEZADES DE LER!!

COS LIBROS PODEMOS VIVIR GRANDES AVENTURAS!!

="0" ismap="ismap" />