Título | Resumo |
---|---|
FORMACIÓN DE USUARIOS - VOLUNTARIADO |
COMEZAMOS O CURSO CON DÚAS NOVIDADES: - O ALUMNADO USUARIO DA BIBLIOTECA COLLERÁ O MARCADOR DE LIBROS AO ENTRAR. - REALIZAREMOS QUENDAS POR CURSO, TOCANDO A DOUS DÍAS Á SEMANA PARA CADA CURSO E OS LUNS DE OBRADOIROS. (Poden consultarse as quendas na biblioteca e na aula). O ALUMNADO DO CENTRO REMATOU CON ÉXITO A FORMACIÓN DE USUARIOS A TRAVÉS DUNHA PEQUENA CHARLA E UNHA SERIE DE ACTIVIDADES INTERACTIVAS, NAS QUE O PRINCIPAL OBXECTIVO É A LOCALIZACIÓN DOS LIBROS NA CDU E NAS DÚAS SALAS. ASÍ ROTARON POR ACTIVIDADES COMO: - LEVAR O LIBRO Á SÚA SALA CUN BLUE BOT. - LOCALIZAR O LIBRO NA CDU CON BLUE BOT, ESCORNABOTS, MBOT... - COLOREAR A CDU. - INSTAURAR AS PRIMEIRAS NORMAS DE USO DA BIBLIOTECA. - USAR O MARCADOR NA ENTRADA E NA LECTURA. - PROBAR OS NOSOS COÑECEMENTOS CUN KAHOO. POR OUTRA BANDA, O ALUMNADO VOLUNTARIO XA COLABORA NA XESTIÓN E ORGANIZACIÓN DA BIBLIOTECA NO TEMPO DE LECER.
EN QUENDAS SEMANAIS, REPARTIDAS NOS TRES TRIMESTRES, OS E AS AXUDANTES REALIZARÁN O PRÉSTAMO INFORMATIZADO, FARÁN UN REXISTRO DO USO DAS TICS, MANTERÁN OS FONDOS ORDENADOS NOS ANDEIS, ACONSELLARÁN AO ALUMNADO USUARIO... ASÍ QUE VOS DAMOS AS...
GRACIAS POR AGASALLARNOS CO VOSO TEMPO!!!
|
VIDEO USO DOS MARCADORES |
|
PUNTOS DE LECTURA CENTRO DE SAÚDE - LETRAS GALEGAS |
O VOLUNTARIADO DAS BIBLIOTECAS ESCOLARES IES PUNTA CANDIEIRA E "CARLOS LABRAÑA", COA COLABORACIÓN DA BIBLIOTECA LÓPEZ CORTÓN, VEÑEN DE DOTAR DE DOUS PUNTOS DE LECTURA ÁS SALAS DE ESPERA DO CENTRO DE SAÚDE DA VILA E RENOVAR O XA EXISTENTE EN PEDIATRÍA. ESTAMOS MOI LEDOS DE LEVAR O PRACER POLA LECTURA FÓRA DAS BIBLIOTECAS E FACER QUE O TEMPO DE ESPERA DE TODO O QUE VISITA O CENTRO SEXA MOITO MÁIS AMENO. AGRADECER A AUTORIZACIÓN Á DIRECCIÓN DO CENTRO DE SAÚDE. PARABÉNS AO NOSO VOLUNTARIADO POR SEMENTAR SOLIDARIDADE! COMO PODEDES OBSERVAR A BOA ACOLLIDA NON SE FIXO ESPERAR. |
DÍA DAS BIBLIOTECAS |
As nosas bibliotecas están vivas e de celebración todos os días, pero este foi especial.O alumnado de sexto de primaria acudíu á Biblioteca Punta Candieira do IES para coñecela e traballar a súa nova disposición. Realizaron un collage cheo de creatividade recreando os diversos espazos cos que consta e utilizando materiais refugallo. Recordando que as bibliotecas da nosa vila queren crear conciencia no coidado do medio ambiente.O alumnado de quinto acudíu á Biblioteca Municipal López Cortón e o resto do centro disfrutamos do obradoiro de medo!! |
LAVANDEIRAS! PROCESO DE LAVADO. PATRIMONIO INMATERIAL. |
CONTINUANDO CO PROXECTO INTERCENTROS, OS VAGALUMES DE 3º A, VISITAN AO ALUMNADO DE ANTROPOLOXÍA DE 1º DE BACHERELATO E, TODOS XUNTOS, FANLLE UNHA ENQUISA ÁS AVOAS. ASÍ OBTEÑEN A DOCUMENTACIÓN ORAL. EN BREVES PODEREDES ESCOITAR O PROGRAMA DE RADIO CON TODA A INFORMACIÓN! ISTO TAN SÓ É UN PEQUENO ADIANTO. Moitas gracias ás familias e a todo o alumnado implicado. |
COMEZOU A ACTIVIDADE DO ALUMNADO VOLUNTARIO! |
O ALUMNADO VOLUNTARIO DE 5º E 6º XA SE PUXO "MANS Á OBRA". DURANTE TODOS OS RECREOS DO CURSO ESCOLAR COLABORARÁN NA XESTIÓN E ORGANIZACIÓN DA BIBLIOTECA NO TEMPO DE RECREO. EN QUENDAS SEMANAIS, REPARTIDAS NOS TRES TRIMESTRES, OS E AS AXUDANTES REALIZARÁN O PRÉSTAMO INFORMATIZADO, FARÁN UN REXISTRO DO USO DOS ORDENADORES, TABLETAS E ESCORNABOTS, MANTERÁN OS FONDOS ORDEADOS NOS ANDEIS, ACONSELLARÁN AO ALUMNADO USUARIO... ASÍ QUE VOS DAMOS AS GRAZAS!!! |
PROXECTO "MARES DE CEDEIRA"" |
DURANTE O CURSO ESCOLAR 2016-2017, NO CEIP NICOLÁS DEL RÍO ESTIVEMOS INMERSOS NUN PROXECTO ARREDOR DAS XENTES DO MAR DE CEDEIRA E A LEMBRANZA QUE SE CONSERVA EN IMAXES. CONVIDOUSE A TODO O ALUMNADO E ÁS SÚAS FAMILIAS A PARTICIPAR APORTANDO FOTOGRAFÍAS PARA COMPOÑER A MOSTRA "SALSEIRO DE RECORDOS" NO MUSEO "MARES DE CEDEIRA". NESTE TRABALLO DE INVESTIGACIÓN AS NENAS E NENOS ACHEGÁRONSE ÁS FONTES DE INFORMACIÓN (TANTO EN IMAXES COMA COA TRASMISIÓN ORAL DO SABER), SELECCIONARON O MÁIS IMPORTANTE E O COMPARTIRON COS DEMAIS. NA MATERIA DE LIBRE CONFIGURACIÓN "APRENDER A INVESTIGAR", DE 4º E 6º NIVEIS DE EDUCACIÓN PRIMARIA, MANEXARON A INFORMACIÓN MEDIANTE O USO DO PROCESADOR DE TEXTOS. UNHA VEZ COMPOSTA A EXPOSICIÓN, TODO O ALUMNADO DE PRIMARIA ACUDIU AO MUSEO, ONDE PUIDO AMPLIAR O SEU COÑECEMENTO SOBRE O MAR. FOI UN TRABALLO QUE PRECISOU DA COLABORACIÓN DE TODA A COMUNIDADE EDUCATIVA, OBTENDO UN PRODUTO FINAL QUE PUIDO SER COMPARTIDO CO PÚBLICO QUE SE ACHEGOU A VISITAR A MOSTRA AO MUSEO. PROPICIOU OUTRAS APRENDIZAXES POSTERIORES E/OU PARALELAS, DESENVOLVIDAS POLO ALUMNADO DE 5 ANOS B (AFONDANDO NA TEMÁTICA DO MAR DE CEDEIRA) E 2ºB (REALIZANDO ENTREVISTAS RELACIONADAS COAS PROFESIÓNS DO MAR).
|
ESCAPE ROOM DE CARVALHO CALERO #euquedonacasa #bescolaresgalabertas |
SEMANA DAS LETRAS GALEGAS Continuamos aprendendo cousas de Ricardo Carvalho Calero. Animádevos e participade nestas actividades tan divertidas, deseñadas por Alba Carril do CPI de Vedra e Ana Sánchez Sanmartín do CEIP Arquitecto Casas Novas.
Esta que atopades de seguido é máis axeitada para alumnado de infantil, primeiro e segundo de primaria.
A seguinte actividade vai para terceiro, cuarto, quinto e sexto de primaria.
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
XORNADA DE RAPETA |
O ALUMNADO DO CEIP NICOLÁS DEL RÍO RECIBE INFORMACIÓN SOBRE A PESCA, O MUNDO MARIÑEIRO E EN CONCRETO SOBRE A ARTE DA RAPETA NA BIBLIOTECA CARLOS LABRAÑA. AGRADECIDOS POR FORMAR PARTE DO PLAN "QUERO SER MARIÑEIRO. QUERO SER MARIÑEIRA" ORGANIZADO POLO MUSEO DO MAR DE CEDEIRA.
|
FADA PIRATA E O VALO! |
A MAXIA DO TEATRO FIXO A SÚA APARICIÓN A TRAVÉS DO HOME QUE DA NOME Á NOSA BIBLIOTECA, CARLOS LABRAÑA, E A SÚA COMPAÑÍA, OS FURABOLOS! UN AGASALLO PARA OS SENTIDOS E PARA A ALMA. GRACIAS POR TANTO! |
CANCIÓNS DA PAZ |
AQUÍ TENDES UN LISTADO DE CANCIÓNS SOBRE A PAZ. ESCOLLEDE A QUE MÁIS VOS GUSTE PARA CANTAR OS VENRES DE XANEIRO NO KARAOKE DA BIBLIOTECA.
|
APADRIÑAMENTOS LECTORES - INTERCENTROS |
O ALUMNADO DE 3 ANOS COMPARTÍU HOXE UNHA XORNADA MOI EMOTIVA XUNTO AO ALUMNADO DE 2º DE BACHERELATO DO IES PUNTA CANDIEIRA. A LEDICIA ILUMINOU OS OLLOS DE TODOS CANTOS PARTICIPARON. PARABÉNS POR TANTO DERROCHE DE CARIÑO E VERSOS!
|
ROTEIRO POR SAN ANTONIO DO CORVEIRO - XEOGRAFÍAS LECTORAS |
O alumnado de 1º de E.P. está coñecendo as parroquias da vila e quere poñer en valor o seu patrimonio. Dado as dificultades para implicar ás familias nas actividades no presente curso escolar, apostou por uns roteiros onde o alumnado e as familias teñen que descubrir onde se atopa agochada a mascota da biblioteca, Percebiño. Esta actividade comeza amosando unha fotografía de Percebiño na aula virtual.
Atopada a fotografía teñen que mandar a súa imaxen coa mascota e ler un QR que contén unhas serie de preguntas que teñen que resolver. Poden usar a bibliografía que desexen das bibliotecas da vila, pero valoramos moito a recollida de información oral das e dos maiores, pois moitos deles atesouran unha documentación que non está escrita.
Esta actividade pretende activar outros xeitos de pasar o tempo, máis saudables e en sincronía coa natureza, dar novas alternativas e recoller a historia, a nosa.
Un mapa da nosa vila, feito polas nenas e os nenos, baseado na beleza do de Zoraida Rodríguez García e na exactitude dos topónimos do Diccionario de Xosé-Álvaro Porto Dapena, recolle todo o proceso busca, recollida de documentación e difusión. A este mapa iránselle engadindo novos roteiros con novos descobrementos. Agradecer a participación de todas as persoas que fixeron posible esta actividade.
|
FALTAN 6 DÍAS! #EuQuedoNaCasa #bescolaesgalAbertas |
FALTAN 6 DÍAS…
Estes días recibimos un díptico da Asesoría de Bibliotecas Escolares de Galicia, no que se convidaba a celebrar o Día do Libro.
Dende a biblioteca escolar “Carlos Labraña” queremos dar a esta celebración unha importancia especial, porque temos algo moi importante que publicar este ano o 23 de abril…
E pensando todo isto, pasóusenos pola cabeza aquilo de decir cal é o noso libro preferido, se é que temos un…ou varios. Pero non só iso, ás veces a ese libro marabilloso que descubrimos un día por casualidade, adicámoslle unha foto. Seguimos pensando…cantas persoas andan detrás deses libros marabillosos que fotografamos nunha instantánea o Día do Libro? Despois de moito pensar, chegamos a unha conclusión: Non nos valía facer unha foto, e o certo é que non nos chegaba un día de celebración, por iso este ano imos adicar a semana enteira a vindicar algunhas das profesións que están dentro deses libros marabillosos. Así, a vindeira semana faremos un espacio especial no noso blog para aquelas persoas que se adican a escribir, a darlle mil voltas ás súas letras antes de deixalas nun libro e para aqueles ilustradores e ilustradoras que pintan e borran e repintan antes de que as imaxes fagan visible o significado daquelas palabras.
Día a día propoñeremos actividades nas que todos e todas estades convidados a participar. A biblioteca queda na casa, pero abre a súa porta virtual para quen queira entrar. Non tedes que chamar…sodes sempre benvidos… Gracias
|
PEGADAS, RASTROS E SINAIS - PROXECTO INTERCENTROS |
O PROXECTO INTERCENTROS CONTINÚA DA MAN DOS VAGALUMES E O ALUNADO DE 1º DE BACHERELATO (ANTROPOLOXÍA E CULTURA CIENTÍFICA). NESTA OCASIÓN SOLICITARON AXUDA E DOCUMENTACIÓN A ANDRÉS TOXEIRO, EXPERTO RASTREXADOR DE ENTORNOS NATURAIS, PERSOAS E VEHÍCULOS. AS PRIMEIRAS DOCUMENTACIÓNS PROPORCIÓNANSE NAS BIBLIOTECAS ESCOLARES DO CEIP E DO IES, NAS QUE FIXO UNHA EXPOSICIÓN PARA RECOÑECER INDICIOS E DEIXAR CLAROS OS CRITERIOS Á HORA DE DIFERENCIAR RASTROS, SINAIS... (número de dedos, silueta, presencia de unllas ou non, tamaño, etc.). ASÍ POUCO A POUCO FORON PROFUNDIZANDO NA MATERIA. O ALUNADO REMATOU CUNHA ROLDA DE PREGUNTAS PARA ACLARAR DÚBIDAS OU CUESTIÓNS DO SEU INTERESE. A SEGUINTE XUNTANZA CONSISTÍU NUNHA SAÍDA DIDÁCTICA AO CRISTO DOS CARRÍS, NA CAPELADA, PARA REALIZAR UNHA ACTIVIDADE PRÁCTICA DE RASTREXO. O ALUMNADO DEDICOUSE A OBSERVAR, A LER O MONTE NA BUSCA DE INDICIOS. ENTRE OUTROS SINAIS, ATOPARON FECES TUBULARES DE LOBO, QUE DAN CONTA DUNHA PEQUENA COLONIA DUNS CINCO LOBOS QUE APARECEU FAI UNS CATRO ANOS, SEGÚN CONSTATA ANDRÉS TOXEIRO. AS BIBLIOTECAS ESCOLARES DE CEDEIRA QUEREN DAR AS GRAZAS A ANDRÉS TOXEIRO POR ENSINARNOS TANTO, POR AMOSARNOS O QUE TEMOS E DARLLE VALOR, POR ENSINARNOS NOVOS CÓDIGOS DE LECTURA E POR SEMENTAR ACTITUDES DE COIDADO E PROTECCIÓN DA NATUREZA.
|
DÍPTICO "PEGADAS NA IAUGA" PATRIMONIO INMATERIAL: A SEMENTE |
A DIFUSIÓN DO PROXECTO INTERCENTROS CHEGOU A TRAVÉS DA CREACIÓN DUN DÍPTICO CON QRs QUE LEVAN A ALGUNHAS DAS TAREFAS REALIZADAS POLO ALUMNADO DE ANTROPOLOXÍA DE 1º DE BACHERELATO DO IES PUNTA CANDIEIRA E OS VAGALUMES DE 3º A DO CEIP NICOLÁS DEL RÍO. |
O NOSO ROBOT, ESCORNABOT! |
O NOSO ROBOT, ESCORNABOT!!
A DÍA DE HOXE O ESCORNABOT XA É UN RECURSO NA BIBLIOTECA E DENTRO DAS AULAS. ESTA É UNHA MOSTRA DALGUNHA DAS ACTIVIDADES LEVADAS A CABO:
- INTERACTIVOS DE XOGOS (Actividades coas familias)
- CURRÍCULO CEDEIRES – XEOGRAFÍA
- OBRADOIRO COOPERATIVO EN MATEMÁTICAS 1º DE PRIMARIA
- MAPAS PARA O PROXECTO “CULTURAS DO MUNDO”
- USO LIBRE DURANTE OS RECREOS COA SUPERVISIÓN DO VOLUNTARIADO.
- PLANTILLAS EN BRANCO PARA NOVAS ELABORACIÓNS.
|
APADRIÑAMENTOS LECTORES |
AS BIBLIOTECAS ESCOLARES DE CEDEIRA COLABORAMOS NA ORGANIZACIÓN DUNHA ACTIVIDADE DE FOMENTO DA LECTURA E MOITO MÁIS. AS RAPAZAS E OS RAPACES DE BACHERELATO DE IES PUNTA CANDIEIRA EXERCERON DE MADRIÑAS E PADRIÑOS LECTORES DO ALUMNADO DE 3 ANOS DO CEIP NICOLÁS DEL RÍO. UN TRABALLO CONXUNTO PARA PROVOCAR EMOCIÓNS, RIR, COMPARTIR, CONTAR E POR SUPOSTO LER. EN BREVES... SEMENTEIRA DE LIBROS.
|
AGASALLANDO Á BIBLIOTECA |
Este ano o PLAN LÍA trouxo moitas melloras á nosa Biblioteca Carlos Labraña. O alumnado viviunos con ilusión, axitación e involucrándose neles. Tanto é así que temos que agradecer enormemente as aportacións das familias de Morena (que trouxo unhas colecións de enciclopedias fabulosas que xa están catalogadas e a disposición da comunidade escolar), de Lucía Bellas que engalanou a entrada cun fermoso reloxo de Percebín feito a man e de Emily que proporcionou unha manchea de xogos de mesa para pasar o tempo de recreo.
|
MIÑA TERRIÑA - MEU LAR |
PROXECTO MEDIO AMBIENTE O día 27 de setembro escolares, mestres e familias participaron nunha charla-coloquio no auditorio municipal. Os nosos obxectivos: ver cales eran as ideas do alumnado respecto ao cambio climático, a perda de biodiversidade, as posibles actuacións dende a escola,... A charla foi guiada por un traballador do Concello, habitual colaborador nas actividades escolares: Quique Vázquez. O fío conductor do debate foi o vídeo titulado: "Miña terriña, meu lar", que convidaba a reflexión. Foi este día o que xurdiron as bases sobre as que se asentará o proxecto anual de biblioteca. Os escolares teñen bastante claro o que debemos Reducir - Reutilizar e Reciclar. Xa iremos vendo como o facemos... |
VISITA ÁS BIBLIOTECAS! |
HOXE ESTAMOS DE ANIVERSARIO! HOXE, 24 DE OUTUBRO, CELEBRAMOS O DÍA DAS BIBLIOTECAS!! UNHA DAS ACTIVIDADES QUE LEVARON A CABO OS ALUMNOS DOS ÚLTIMOS NIVEIS FORON AS SAÍDAS ATA AS BIBLIOTECAS MÁIS PRÓXIMAS Á NOSA. QUINTO DE PRIMARIA ACUDÍU Á BIBLIOTECA LÓPEZ CORTÓN, ONDE PUIDERON OBSERVAR O QUE SUPÓN UNHA REMODELACIÓN COMO A QUE ACABAN DE SOFRER, PERO QUE GARANTIRÁ MOITOS BENEFICIOS. POR OUTRA BANDA, O ALUMNADO DE SEXTO ACHEGOUSE Á BIBLIOTECA IES PUNTA CANDIEIRA, NA QUE REALIZARON DOUS XOGOS: UN PARA COÑECER OS RECUNCHOS DA CDU A TRAVÉS DE QUEBRACABEZAS E OUTRO PARA COMPOÑER UN ABANO DE POESÍAS E POSTERIORMENTE RECITALAS, POSTO QUE ESTE ANO A POESÍA É O LEMA ESCOLLIDO POR BIBLIOTECAS ESCOLARES PARA DALA A COÑECER E DIFUNDILA. |
O ALUMNADO VOLUNTARIO, FUNDAMENTO-FUNDADOR DA BIBLIOTECA ESCOLAR |
A REVISTA GALEGA DO ENSINO (EDUGA) VÉN DE PUBLICAR UN ARTIGO SOBRE A NOSA BIBLIOTECA ESCOLAR E O ALUMNADO VOLUNTARIO, COLABORADORES DE 5º E 6º NIVEIS DE EDUCACIÓN PRIMARIA QUE FAN DA NOSA BIBLIOTECA ESCOLAR UN LUGAR DE APRENDIZAXE E DE ENCONTRO. GRAZAS!
|
O VOLUNTARIADO NA BIBLIOTECA ESCOLAR "CARLOS LABRAÑA" |
O ALUMNADO VOLUNTARIO DA NOSA BIBLIOTECA FAI UNHA LABOR MOI IMPORTANTE PARA QUE TODOS OS COMPAÑEIROS E COMPAÑEIRAS POIDAN DESFRUTAR DA LECTURA (e moito máis) DURANTE OS RECREOS. AQUÍ VOS DEIXAMOS UN VÍDEO NO QUE O ALUMNADO VOLUNTARIO DE QUINTO CURSO NOS CONTA COUSAS MOI INTERESANTES.
|
RECOMENDACIÓNS LECTORAS PARA O NADAL |
|
TERTULIAS DIALÓXICAS |
A TERTULIA DIALÓXICA É UNHA PRÁCTICA DE LECTURA DIALÓXICA QUE CONSISTE NUN ENCONTRO AO REDOR DA LITERATURA, NO QUE CADA UN DOS PARTICIPANTES LEN E DEBATEN DE XEITO COLECTIVO OBRAS CLÁSICAS DA LITERATURA UNIVERSAL. NESTE CASO OS VAGALUMES DE 3ºA E AS FAMILIAS VOLUNTARIAS ESTÁN COA OBRA "EL LIBRO DE LA SELVA" DE RUDYARD KIPLING. NESTE PRIMEIRO TRIMESTRE ESCOLLERON A OBRA E INICIARON A TERTULIA DO 1º CAPÍTULO. MÁIS INFORMACIÓN NO BLOG DOS VAGALUMES.
|
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »