Febreiro 2021

Día Mundial da Radio: entrevista a Antía Yáñez.

Posted in

Celebramos o Día Mundial da Radio (13 de febreiro) cunha entrevista á escritora Antía Yáñez, autora do libro "Plan de rescate" gañador do premio "Agustín Fernández Paz" pola igualdade, do cal adquirimos 20 exemplares para a nosa Biblioteca Escolar. O equipo de dinamización da Lingua Galega en coordinación co resto de equipos, ideou esta fantástica actividade que non vos podedes perder! Queremos agradecer a Antía Yáñez a súa amabilidade e dispoñibilidade , e a nosa veciña Guadi Galego por ofrecernos sempre as súas fermosas cancións para as nosas publicacións.

#11F e LegoWeDo

Posted in

Hoxe, 11 de febreiro, celébrase o Día internacional da Muller e a Nena na Ciencia que busca lograr o acceso e a participación plena e equitativa na ciencia para mulleres e nenas, lograr a igualdade de xénero e o empoderamento das mulleres. Este ano caracterizouse por movementos coma #NoMoreMatildas que vos deixamos enlazado por se queredes botar unha ollada.

Dende a nosa biblioteca realizamos actividades có fin de achegar as habilidades STEAM a todo o alumnado e, neste caso, a rapazada de 5º de primaria achegouse ao recuncho de robótica para traballar có Lego WeDo.

ARTE EN ESTADO PURO - 2º PARTE - ILUSTRACIÓN

Enviado por PERCEBÍN LECTOR o Mér, 10/02/2021 - 21:34

Posted in

STEAM

Crear, imaxinar, dar forma e imprimir a nosa impronta persoal é de máxima importancia.

Aquí temos o proceso artístico, levado a cabo polo alumnado de 1º, os Vagalumes,

baseado en varias obras que parten da inspiración dun libro: Alén. A arte de explorar.

Dentro dunha biblioteca chea de recursos, a nosa, á Biblioteca Carlos Labraña.

Últimas creacións de quebracabezas de obras e autoras/es.

O FILLO DO HOME DE RENÉ MAGRITTE

SHOT MARILYNS DE ANDY WARHOL

FEMME MAISON DE LOUISE BOURGEOIS

A biblioteca entra nas aulas!

Posted in

No espazo da biblio do noso cole pódense facer múltiples actividades (lectura, préstamos, obradoiros de cociña, costura, robótica...) pero a función deste espazo chega máis aló das paredes da propia biblio e, moitas veces, achégase as aulas para apoiar con materiais e fondos do catálogo, os proxectos que se están a traballar.

Neste caso, a rapazada de 3 anos A está empezando a traballar sobre os dinosaurios e, no seu recuncho do proxecto, teñen unha pequena selección de libros informativos, contos e materiais da biblioteca cós que desfrutan un montón e se inician na búsqueda de información e no marabilloso mundo das letras!

O voluntariado non descansa!

Posted in

A biblioteca non descansa e, a rapazada que forma parte do voluntariado tampouco!

Estes días os nosos voluntarios e voluntarias están inmersos/as en colocar os novos fondos (hai cousas ben chulas!) que se están a incorporar e que xa empezan a encher os andeis das salas!

E ademáis, están organizando o espazo de robótica! Teñen aínda cousas que colocar (algunhas levan tempo coma as pezas do Lego WeDo...) pero en breves todas as aulas poderán empezar a pasar por este espazo!