Inicio » Arquivo mensual

Novembro 2020

Obradoiros biblioteca creativa: E-téxtiles

Posted in

O xoves 26 de novembro realizamos coas clases de 5º de Educación Primaria tres obradoiros na nosa biblioteca creativa. Coa financiación recibida pola Asesoría de Bibliotecas Escolares de Galicia, contamos coa visita de Paola Guimerans, unha referente no campo dos espazos maker e no desenrolo de actividades steam. 

 

ROTEIRO POR SAN ANTONIO DO CORVEIRO - XEOGRAFÍAS LECTORAS

Enviado por PERCEBÍN LECTOR o Mér, 25/11/2020 - 23:33
Posted in

O alumnado de 1º de E.P. está coñecendo as parroquias da vila e quere poñer en valor o seu patrimonio.

Dado as dificultades para implicar ás familias nas actividades no presente curso escolar,

apostou por uns roteiros onde o alumnado e as familias teñen que descubrir onde se atopa agochada a mascota da biblioteca, Percebiño.

Esta actividade comeza amosando unha fotografía de Percebiño na aula virtual.

 

Atopada a fotografía teñen que mandar a súa imaxen coa mascota e ler un QR que contén unhas serie de preguntas que teñen que resolver.

Poden usar a bibliografía que desexen das bibliotecas da vila, pero valoramos moito a recollida de información oral das e dos maiores,

pois moitos deles atesouran unha documentación que non está escrita.

 

 

 

Esta actividade pretende activar outros xeitos de pasar o tempo, máis saudables e en sincronía coa natureza,

dar novas alternativas e recoller a historia, a nosa.

 

 

Un mapa da nosa vila, feito polas nenas e os nenos, baseado na beleza do de Zoraida Rodríguez García

e na exactitude dos topónimos do Diccionario de Xosé-Álvaro Porto Dapena,

recolle todo o proceso busca, recollida de documentación e difusión.

A este mapa iránselle engadindo novos roteiros con novos descobrementos.

Agradecer a participación de todas as persoas que fixeron posible esta actividade.

 

DECONSTRUÍNDO A LUÍS SEOANE

Enviado por PERCEBÍN LECTOR o Mér, 25/11/2020 - 19:19
Posted in

O Museo de Belas Artes de Coruña aproxima o proxecto Correspondencias

pensando en achegar a arte á escola nestes tempos tan complicados.

Luís Seoane é o artista escollido e estas son as deconstrucións dos Vagalumes de 1º C.

Podedes ver máis creacións clicando na imaxe.

FACEMOS GALLETAS. 5 ANOS

Posted in

BOAS FAMILIAS;

ESTA SEMANA OS NENOS E NENAS DE 5 ANOS FIXEMOS GALLETAS

PARA APRENDER AS FASES DA LÚA.

DEIXAMOS AQUÍ UN RESUMO DA ACTIVIDADE.

 

 

O PREGOEIRO DA VILA - RADIO EXPERIMENTAL #bescolaresgalabertas

Enviado por PERCEBÍN LECTOR o Ven, 20/11/2020 - 20:12
Posted in

O Pregoeiro da Vila, un programa informativo, realizado pola rapazada de 1º de Primaria.

Non vos perdades todas as súas noticias, pois neste mes hai moito do que falar!

 

 

 Uns pequenos intermedios de anuncios publicitarios aderezan a sesión e seguro que son ben agradecidos.

Pois nenas e nenos son conscientes dos cambios que estamos vivindo e saben a quen teñen que acompañar.

Aínda que só sexan con verbas e cancións.

 

 

 

Un traballo para informar e mellorar a expresión oral, porque aínda que están aprendendo a ler;

a entoación, as pausas, o volume, a pronuncia... é algo que tamén teñen que aprender

e a radio é un recurso completo para a lectoescritura.

 

 

 

Experimentos de outono

Posted in

Seguimos có mes da ciencia en galego... neste caso, nunha das aulas de infantil! Os pequenos e pequenas de 4 anos están traballando có outono e qué mellor que facer pequenos experimentos para descubrir cousas novas. Aproveitando unhas follas secas que recolleron no chan do edificio do Areal traballaron unha chea de conceptos: tiveron que clasificar por cores, traballar a motricidade fina machancando as follas, facer trasvases, calcular cantidades... e, por suposto, escribir o experimento e as conclusións! Todo para descubrir cómo se forman as cores do outono!

 

PROXECTO INTERCENTROS

Enviado por PERCEBÍN LECTOR o Lun, 16/11/2020 - 00:00
Posted in

O ALUMNADO DO IES PUNTA CANDIEIRA E DO CEIP NICOLÁS DEL RÍO

COMEZAN UN PROXECTO INTERCENTROS SOBRE A MÚSICA NA NOSA VILA.

INFORMAN ÁS FAMILIAS E SOLICITAN A SÚA PARTICIPACIÓN E IMPLICACIÓN.

FORMULARIO DE PARTICIPACIÓN

Redescubrindo a biblioteca!

Posted in

Os fondos da biblioteca non paran de crecer e, como sempre hai que reorganizar algúns aspectos (e máis este ano!), as formacións de usuarios son indispensables!

Todo o alumnado irá pasando por turnos pola biblioteca pero hoxe tocoulle a terceiro de primaria! Ao chegar, e tras repasar unhas normas básicas do protocolo COVID, tiñan unha sorpresa esperándolles nos iPads: un Escape Room dixital creado na plataforma Genially! Repartíronse por parellas e... a descubrir a CDU e a organización da biblio grazas ao xogo! Tiveron que recorrer as diferentes salas, ler carteis e moito máis para poder completar as misións pero reto conseguido!

 

Seguimos traballando o corpo... cun experimento!

Posted in

Sen case darnos de conta, chegamos xa a novembro, mes que no celebramos o Mes da ciencia en galego nas bibliotecas. Na nosa biblioteca podedes atopar un montón de materiais relacionados coa ciencia pero, neste caso, queremos mostrarvos un experimento moi chulo.

Nas clases de segundo están traballando sobre o corpo humano e para afondar sobre a respiración e cómo funcionan os órganos relacionados con este proceso fixeron este sinxelo experimento no que se pode observar moi facilmente o intercambio de gases mediante a inspiración e expiración.

 

 

 

Lendo a Antía Yáñez

Posted in

A rapazada de 6º de Primaria, despois de botar un ollo ás recomendacións que se fixeron polo día das Escritoras, decidiron aproveitar a hora de ler para empezar có libro de Antía Yáñez titulado Plan de rescate, gañador do premio Agustín Fernández Paz pola igualdade en 2019! E mirade que concentrados están!