blogue dealex

Estimadas familias, 

Lamentablemente, a previsión meteorolóxica para mañá 9 de febreiro, non é moi favorable a realizar o pasarrúas pola vila. Polo tanto, faremos un desfile interno na escola ao que estades convidados a vir. Como ben sabedes, o espazo é limitado polo que non se pode asegurar que entre o mesmo número de persoas que se fose no exterior. 

Os familiares que veñades, teredes que entrar pola porta xiratoria verde de transporte, accedendo ao patio de césped artificial e ao ximnasio, onde estarán delimitadas as zonas para o público.

Acceso ao público dende ás 10:45 horas. O desfile do alumnado comezará ás 11:30 horas.

Agardamos desfrutedes do gran traballo realizado polo profesorado e alumnado durante moitas semanas.

O 30 de xaneiro xuntámonos todo o alumnado e profesorado para conmemorar o Día da Paz e Non Violencia 2024.

O alumnado intercambiou colgantes da paz realizados por eles, cunha frase que exprese o significado deste día. O discurso, a cargo das delegadas de 4º E.P., creou unha atmosfera de respecto, compañeirismo e colaboración. Este momento serviu de prólogo á solta de pombas, grazas a Jorge (Mendi), seguido da interpretación da canción "Soan as campás pola paz". A paz constrúese día a día, "un mundo mellor é posible".

Para o alumnado de 6º de Educación Primaria, o prazo de presentación de solicitudes, para a reserva de praza en centros adscritos (IES Punta Candieira),será dende o 15 de xaneiro ata o 5 de febreiro. As solicitudes poden facerse vía telemática no enlace 

https://www.edu.xunta.gal/admisionalumnado 

ou de maneira presencial na secretaría do centro CEIP Nicolás del Río onde xa hai impresos.

Despois de moitos días de chuvia, puidemos festexar o Magosto acompañado de xogos populares.

Ligazón para a galería de fotos 

O próximo luns día 23 de outubro comezaremos co novo menú. 

O alumnado usuario de comedor que non poida asistir, deberá avisar da súa ausencia chamando ao teléfono do centro antes das 10.00h da mañá.

O menú poderá sufrir algunha alteración atendendo a diferentes imprevistos que poidan xurdir. 

Publicados os listados de material de cada aula (2º, 4º e 6º de EP) para o curso 2023/2024.

Solicítase que a maiores do material cada alumno/a traia dous rolos de papel de cociña grandes salvo as aulas de 2ºEP que xa aparecen no listado de material.