ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B, ED330G e ED330H).
PRAZO DE PRESENTACIÓN DE SOLICITUDES: Do 19 de maio ao 21 de xuño do 2023
BENEFICIARIOS: Alumnado de Educación primaria matriculado no curso 2023 /2024 en centros sostidos con fondos públicos.
MODALIDADES:
- Libros de texto: Alumnado de 1º, 2º (vales), 3º, 4º, 5º e 6º cursos de Educación Primaria (fondo libros) e alumnado de Educación Especial.
- Axudas de material: Alumnado de educación primaria de 1º a 6º e educación especial.
DOCUMENTACIÓN A PRESENTAR:
- Solicitude segundo o Anexo I e Anexo II (comprobación de datos dos membros computables da unidade familiar).
- Copia do libro de familia ou documento equivalente onde figuren o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial de separación ou divorcio e/ou convenio regulador onde conste a custodia do menor.
Para poder optar ás axudas, é condición indispensable ter devoltos todos os libros prestados do Fondo Solidario do curso anterior.
CONSENTIMENTO PARA A COMPROBACIÓN DE DATOS
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente:
Declaración do imposto sobre a renda das persoas físicas ou certificado tributario de imputacións do exercicio 2021.
PRESENTACIÓN:
- Preferiblemente de forma telemática na seguinte ligazón:
https://www.edu.xunta.gal/fondolibros/
- No propio centro en horario de atención de secretaría.
