Educación Viaria
Enviado por Anónimo o Ven, 10/06/2017 - 11:31O dia 2 de outubro o alumnado de cuarto recibiu una charla por parte da Policía local na que aprendeu cal é o comportamento axeitado como peóns, tanto nas vías urbanas como interurbanas, realizou un roteiro polas proximidades do centro para practicar o aprendido e achegouse á sede da Policía local para coñecer o seu funcionamento e dependencias.
Listaxes PROVISIONAIS por aula do alumnado de 1º, 3º e 5º de Educación Primaria
Enviado por admin o Mér, 09/06/2017 - 16:35
Pinchando AQUÍ ou descargando o arquivo adxunto poden ver as listaxes provisionais de alumnos/as por aula correspondenes a 1º, 3º e 5º de Primaria.
Calendario escolar: Curso 2017-2018
Enviado por admin o Lun, 07/17/2017 - 21:15LISTAXES 4º DE INFANTIL POR GRUPO E QUENDAS DO PERÍODO DE ADAPTACIÓN
Enviado por admin o Ven, 06/30/2017 - 13:51
Nos arquivos adxuntos podedes descargar as listaxes de 4º de Educación infantil (3 anos) por grupos e as quendas do período de adaptación.
Toledo-Santiago-Segovia: Unha experiencia xenial!
Enviado por Anónimo o Sáb, 04/08/2017 - 13:24Todo comezou cando soubemos que fomos as gañadoras/es do concurso A función social do patrimonio. Grazas a este concurso comezou un “circulo de intercambios”. Así, nós acollemos aos nosos “hospedes” toledanos para amosarlles os encantos da nosa cidade. Do mesmo xeito, nós fomos acollidos polos nosos “anfitrións” segovianos. Pasamos tres días fabulosos aprendendo un cento de cousas na Real Casa de Moneda, sobre o Acueduto, a historia de Segovia, etc.
Mesmo saímos nalgún medio de comunicación. Mirade isto:
http://santiagodecompostela.gal/hoxe/nova.php?id_nova=15767&lg=gal
http://www.santiagodecompostela.gal/hoxe/nova.php?id_nova=15810&lg=cas
Aquí vos deixamos algunhas das imaxes máis significativas desta fabulosa experiencia
Roteiro mitolóxico con "premio"
Enviado por Anónimo o Mér, 01/25/2017 - 17:09O alumnado de 6º A e 6º B saímos novamente de rota para coñecer as figuras mitolóxicas e lendas representadas na Zona Vella da nosa cidade. Para isto procuramos previamente información na escola e preparamos por grupos unha pequena explicación sobre Cupido, Prometeo, O Bocoi de Santa Clara, as gargolas e gorgonas, etc.
Pasámolo moi ben explicando ás compañeiras e compañeiros todo sobre o que, o cando, o como e o por que das diferentes estatuas e figuras que abrollan polas paredes da zona vella. O mellor de todo é que aínda por riba nos deron un premio no concurso "A función social do patrimonio".
Aquí vos deixamos unha escolma das fotos sobre estes seres e lendas fantásticas!
Roteiro pola Compostela máis trovadoresca.
Enviado por Anónimo o Xov, 12/01/2016 - 01:00O luns 28 de novembro as nenas e nenos de 6º A e 6º B saímos de roteiro para coñecer in situ a historia trovadoresca da nosa cidade. Para isto contamos coa colaboración de Isabel (profesora da Faculdade de Filoloxía e especialista en lírica medieval galego-portuguesa) que nos introduciu de cheo nas cantigas de Amigo, de Escanio e Maldizer, así como nas chamadas Pastorelas. Tamén falounos dos autores máis representativos da nosa cidade na época na que o galego era usado para compor,cantar e danzar por xentes de toda a peninsula e do estranxeiro. Por iso nós tamén "compuxemos" as nosas cancións, rimas e xogos para por ao día as cantigas e brincarmos polo camiño.
Visita ao Mercado de Abastos
Enviado por Anónimo o Mér, 11/30/2016 - 14:25Os alumnos e alumnas de 5º de primaria, visitamos onte o Mercado de Abastos de Santiago. Puidemos descubrir os distintos postos do mercado e tamén entrevistamos a vendedores e clientes. Pasamos unha mañán estupenda e aprendemos moitas cousas grazas á xenerosidade da xente do mercado.
Cineuropa
Enviado por Anónimo o Ven, 11/25/2016 - 01:00O alumnado de 5º de E. Primaria asistiron, o 24 de novembro, a unha sesión de Cineuropa, na que viron a película " Ma vie de courgette", que conta a historia dun neno de 10 anos, alcumado Courgette (cabaciña), que é enviado a un orfanato tras a morte da súa nai. A historia narra como superará as dificultades e integrarase neste novo ambiente no medio dun pequeno grupo de nenos maltratados, coma el, pola vida.
Ciencia divertida
Enviado por admin o Ven, 11/18/2016 - 01:00O alumnado de cuarto participou nos Obradoiros de Ciencia Divertida organizados pola biblioteca Ánxel Casal durante os xoves 10 e 17 de novembro. Todos os alumnos colaboraron na realización de experimentos divertidísimos cos que comprobaron os cambios nos estados dos líquidos, descubriron por medio do xerador de Van de Graaff como eles poden transmitir electricidade a outros compañeiros e literalmente se lles puxeron os pelos de punta! Realmente pasáronno xenial!
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- seguinte ›
- última »