blogue denoemicastillo

O vindeiro martes día 17 de outubro, ás 17h., terá lugar unha charla sobre a nutrición impartida polo Dietista e Nutricionista Nicolás Piedrafita.

Esta charla vai destinada a toda a comunidade educativa e alumnado a partir de 3ºEP que lle interese aprender sobre unha correcta alimentación. Terá unha duración aproximada de 40 minutos, máis 20 minutos para resolver dúbidas. Celebrarase no salón de actos.

Recordamos que os nenos/as non poden quedar desatendidos polo recinto escolar durante a duración desta; máis tendo en conta a entrada e saída de camións polas obras que se están levando a cabo no patio. Esperámosvos!

O pasado 23 de setembro demos a benvida ó outono. Dende entón, fomos traballando os cambios que provoca no noso entorno nas aulas de Infantil e Primaria. A continuación tedes uns exemplos dos traballiños que fixemos dende os cursos inferiores ata os superiores. 

Durante o mes de setembro, o alumnado de primaria levou a cabo diferentes 'All about us' ou, o que é o mesmo, 'Todo sobre min' para contar un pouquiño sobre eles, os seus gustos e as súas afeccións. Por orde, dende os máis pequeniños de primeiro, ata os maiores de sexto, este foi o resultado tan chulo que está decorando cada unha das aulas: 

O novo curso escolar 2023/24 xa está en marcha baixo o lema de 'ARTEllando soños'.

Para dar a benvida aos nenos e nenas do cole, fixemos un xogo polo corredor. Titulado 'ARTEllando palabras' e basado no coñecido xogo 'palabras encadeadas', todo o alumnado de Educación Primaria tivo a ocasión de participar nel. A continuación, o resultado!