O pasado venres 27 de outubro, os nenos e nenas de 4º de Primaria fixemos un roteiro polas Fragas do Eume. Ao mesmo tempo que desfrutabamos da magnífica paisaxe visual e sonora da fraga, coñecimos moitas plantas da man do monitor e enxeñeiro forestal Segundo. Vimos castiñeiros, carballos, abeleiras, acivros masculinos e acivros femininos, felgos, ademais de especies invasoras coma a acacia negra ou o eucalipto.

Como colofón tivemos unha emocionante sorpresa, pasamos por unha ponte colgante e rematamos nunha "corripa", construción de pedra que servía para gardar castañas, cando éstas constituían un alimento básico para a poboación.

SE QUEREDES VER TODAS AS FOTOS DA EXCURSIÓN, PREMEDE NA IMAXE DE ABAIXO

E PARA REMATAR, INVITÁMOSVOS A VER ESTA CÉLEBRE FOTOGRAFÍA DE CHEMA MADOZ QUE PRESENTA Á NATUREZA VISTA COMA UN ESPECTÁCULO.  ISTO FOI O QUE PRESENZAMOS NESTA FERMOSA EXCURSIÓN