Equipo de Dinamización da Convivencia

Todas e Todos Contamos

Ven, 24/11/2023 - 16:14 — admin

Dende o Equipo de dinamización de Convivencia e Benestar realizouse unha actividade da Afundación para o día da discapacidade. A actividade chámase " Todas e todos contamos " nela os alumnos/as de quinto e sexto de primaria realizaron un obradoiro impartido por monitores con diversidade funcional. Con esta actividade tivemos o obxectivo de achegar ao alumnado o valor do esforzo, a empatía, a aceptación da diferenza, o respecto para mellorar a sensibilidade emocional e afectiva favorecendo así unha sociedade máis equitativa.

Dita actividade está enmarcada nos Contratos Programa Inclue-T

2 de Maio. Concurso de carteis dixitais para conmemorar o Día Internacional contra o Acoso Escolar

Mér, 03/05/2023 - 19:36 — admin

NA GÁNDARA LOITAMOS CONTRA O ACOSO ESCOLAR.

1º Premio para o cartel de 6ºC do noso centro.

2º Premio para o cartel de 6ºB do noso centro.

Por segundo ano consecutivo o noso centro gaña o concurso de carteis dixitais do Concello de Narón para conmemorar o Día Internacional contra o Acoso Escolar.

DÍA DA PAZ E NON VIOLENCIA 2023

Mar, 07/02/2023 - 18:16 — Dolores

CELEBRACIÓN DÍA DA PAZ

O pasado luns, 30 de xaneiro celebramos o Día da Paz e a Non violencia. Este ano desde Convivencia propuxemos unha actividade lúdica co lema “Lanzamos mensaxes de Paz”. Cada grupo traballou este tema na súa clase e plasmaron as súas reflexións nunha pequena táboa. Unimos todos estes propósitos baseados no respecto e a concordia e o entendemento entre todas as persoas. Finalizamos cun acto de lanzamento de farois nos que ían representados de xeito simbólico unha morea de desexos de Paz e coa esperanza de que cheguen moi lonxe e se cumpran. Desfrutamos dun bonito día. Aquí vos deixamos unha mostra.

"Ponte no meu lugar...."

Lun, 26/12/2022 - 12:00 — admin

Con motivo da conmemoración do día Internacional das persoas con discapacidade, desde Convivencia planificouse un xogo de rol:

“Ponte no meu lugar", para realizar durante esa semana. Trátase de potenciar o desenvolvemento da empatía, a aceptación das diferenzas e a toma de conciencia das barreiras e limitacións que as persoas con diversidade funcional poden atoparse no seu día a día. A través desta actividade tamén se pretende acadar unha reflexión persoal e individual sobre a discapacidade que nalgún momento pode afectarnos a nós ou ao noso entorno. O alumnado de 6º de Educación Primaria participou de xeito moi satisfactorio dirixindo as actividades propostas nas distintas estacións e polas que foi rotando o resto do alumnado do Centro, o que lles supuxo sen dúbida unha grande aprendizaxe. Pasámolo moi ben!

25 N

Xov, 01/12/2022 - 18:06 — admin

O pasado venres, 25 de novembro celebramos o Día Internacional pola eliminación da violencia de xénero, culminando así unha semana marcada pola sensibilización do alumnado e da comunidade educativa fronte a este tema, a través dos contos e da música (La puerta violeta).

Os nenos e nenas do colexio deixaron os seus desexos e abrimos a porta violeta para que se fagan realidade.

Así que queremos compartir tamén coas familias estes momentos tan emotivos.

Equipo de Convivencia.

O CEIP A GANDARA CONTRA O ACOSO ESCOLAR

Lun, 02/05/2022 - 19:41 — admin

O DÍA 2 DE MAIO CONMEMÓRASE O DÍA CONTRA O ACOSO ESCOLAR.

Dendo o CEIP A GÁNDARA o alumnado do 3º ciclo participou nuns obradoiros contra o Acoso Escolar e tamén participaron nun concurso de fotografía para concienciar sobre o acoso escolar.

O alumnado de 6º B resultou premiado como fotografía seleccionada para protagonizar e promover os obradoiros fronte o acoso escolar do vindeiro curso.

PARABÉNS para o noso alumnado.

Sen dúbida foi unha alegría recibir este recoñecemento e ter a visita da nosa alcaldesa Marian Ferreiro e da nosa concelleira de Educación Mercedes Taibo. Fixéronnos entrega duns libros relacionados coa temática, un altavoz e un punteiro láser que sen dúbida axudarán a continuar motivados nesta loita que é de todos/as.

Moitas grazas ao Concello de Narón pola iniciativa e ao noso alumnado e profesorado polo seu bo facer.

Deixamos aquí unhas imaxes do día de hoxe e un enlace á páxina do concello por se queredes botar unha ollada.

CEIP A GÁNDARA - CONCELLO DE NARÓN