Para as tarefas de hoxe tedes que escoller un conto bonito, que vos pareza motivador e lelo cos nenos/as .
Se tedes un conto escrito con letras maiúsculas podedes facer unha lectura compartida e que o neno ou nena participe na medida das súas posibilidades; ben lendo algunha palabra polo medio do conto (séndolles máis sinxelas as de dúas sílabas e sen trabadas), unha frase, ou un pedaciño de texto.
Se o conto está escrito en minúsculas contádellelo vós.
Despois falar un pouco do conto asegurándovos de que o comprenderon, facéndolles preguntas .
E por último realizar a tarefa..
En todo sobre o número as instrucións son as mesmas que as do martes. O número protagonista da ficha será o que saia ao tirar o dado. Como houbo nenos que cubriron a ficha do martes tendo como protagonista o 10, si queredes podedes usar dous dados, pero tedes que ter en conta que o número protagonista non pode ser maior de 10 xa que a casiña está preparada para ser completada como moito cós complementários do 10.
A última tarefa deixámola ao voso criterio, para que segundo as posibilidades de material que teñades na casa fagades cós nenos/as unha manualidade.
Seguro que rolos de papel hixiénico tedes, porque alguén os tivo que levar dos supermercados!!!!
A ver con que nos sorprendedes!!!! Aceptamos fotos.
