Hoxe tivemos a grata visita da filla do apalpador, Antía Vázquez, acompañada do músico André Espiñeira, para deleitarnos cun formato de contacontos musicado e interactivo onde se mesturaron cantigas, lendas e dinámicas.
Esta actividade está organizada pola Vicepresidencia da Diputación de Lugo co obxectivo de promover a presenza de tradicións propias na representación do Nadal e ofrecer a nenas e nenos unha proposta de lecer en galego nestas datas.
Dende os Equipos de Biblioteca e EDLG e con motivo do 25 N, DÍA INTERNACIONAL PARA A ELIMINACIÓN DA VIOLENCIA CONTRA A MULLER reivindicamos os dereitos das mulleres e das nenas no DEPORTE.
Actividades realizadas:
Contacontos nas aulas de Educación Infantil e Primaria:
- Nin un biquiño á forza. (Infantil, 1º, 2º e 3º de Primaria). - O teu corpo é teu. (3º e 4º de Primaria) - Iriña bailarina. (Infantil, 1º, 2º e 3º de Primaria)
Charla de Andrea de Luis Iglesia. Árbitra de fútbol-sala.
Charla sobre a historia do deporte feminino e das desigualdades actuais no mesmo. (4º, 5º e 6º de Primaria)
Visionado e posta en común da película “Quiero ser como Beckam”. (4º, 5º e 6º Primaria).
Obradorio de estereotipo e respecto á intimidade. Asociación Cromosomos X.
Coñecer a diferentes mulleres galegas deportistas (lecturas, investigación, murais…) AXENDA 2022, elaborada polo Observatorio da Mariña pola Igualdade.
Este curso seguimos co noso programa “TAS OU NON TAS” con novos colaboradores. Moitos parabéns!
Dende a biblioteca imos traballar un novo proxecto titulado “ESTAMOS RODEADOS” co que imos coñecer todos os animais que nos rodean, adicando este capítulo a un anfibio que na nosa zona coñecémolo como SACABEIRA.
O pasado 21 de xuño puidemos gozar dun estupendo festival de fin de curso ideado e organizado polo noso mestre de Música, Manuel. As alumnas e alumnosdeleitáronos coas súas actuacións nas que demostraron o gran talento artístico que teñen. Parabéns!
O luns 12 de xuño, coa colaboración da biblioteca do IES Alfoz-Valadouro, tivemos a visita das alumnas de teatro de 2º ESO María Carballo, Silvia Fernández e Celia Fernández, xunto coa súa profesora, Paz Quiroga, para representar a obra de teatro "Hai algo máis aburrido que ser unha princesa rosa".
O pasado 31 de maio o alumnado de 1º, 2º e 3º de Primaria recibiu na biblioteca a charla "Eu Como Peixe", da man da Organización de Produtores de Pescado do Porto de Burela (OPP-7) e da nutricionista Alba Vila e así coñecer os beneficios de comer peixe, identificar as especies que captura a flota da zona, como a merluza de pincho, o peixe espada, a cabala… e aprender as diferencias entre o peixe azul e o peixe branco.
Ao final as nenas e nenos recibieron un delantal e un gorro de chef como obsequios.