Skip to Content

blogue de biblioteca

Biblio:Seguimos coas charlas precine

Lun, 03/12/2018 - 12:51 — biblioteca

As charlas precine onde podemos ver algúns artiluxios e invencións que fixeron que se pasase da imaxe estática a imaxes en movemento seguen o seu percorrido en segundo, primeiro e mesmo en infantil.

Completamos o album xa creado con fotos dos novos grupos que pasaron pola biblioteca para descubrir como comezou o cine.

Biblio: Charla sobre o Alzheimer

Lun, 26/11/2018 - 12:35 — biblioteca

O pasado xoves recibimos a visita no colexio de dúas voluntarias da asociación AFAN que viñeron falar sobreo problema do Alzheimer.

Biblio: Os contos clásicos en educación infantil

Xov, 22/11/2018 - 12:39 — biblioteca

O alumnado de infantil está a repasar este ano os contos clásicos. Nas seguintes imaxes podedes velos repasando algúns desas obras e traballando sobre elas.

  • APIs de Blogue

Biblio: Quinto pinta escaleiras

Mér, 21/11/2018 - 12:55 — biblioteca

Seguimos coa teima de decorar as nosas escaleiras e a clase de quinto uniuse ao reto de deseñar un debuxo que imitase a un libro, non! que este ano a cousa vai de cine! Velaquí os tedes traballando.

  • APIs de Blogue

Complementarias: O magosto

Mér, 21/11/2018 - 12:39 — biblioteca

Como todos os anos o magosto foi un día especial no noso cole. Por aulas, cada titoría fixo as súas actividades de magosto (cestas, máscaras...) e á tarde o momento máis agardado: a comer castañas!

Deixámosvos unha pequena galería de imaxes premendo na foto.

  • APIs de Blogue

Biblio: Cine para todos/-as

Mér, 14/11/2018 - 12:57 — biblioteca

O cine segue a ocuparnos este ano, nos recreos, nas clases ou en sesións repartidas durante o horario o alumnado vai aprendendo sobre o cine, sobre a súa historia ou, simplemente, goza véndoo sen ningunha pretensión máis. Premendo na imaxe tedes unha boa mostra desas actividades.

Biblio: Libros de medo

Mér, 07/11/2018 - 12:47 — biblioteca

Xa locen no expositor da biblioteca os libros relacionados co medo máis destacados que temos en catálogo para que o alumnado máis atrevido se anime a collelos...

  • APIs de Blogue

Biblio: Decoración dos pasamáns

Mér, 07/11/2018 - 12:43 — biblioteca

Os pasamáns que dan acceso á nosa biblioteca están collendo unha nova cor cos deseños que o alumnado fai do personaxe máis carismático de Charles Chaplin: "Charlot". Están quedando moi xeitosos!

Biblio: Música de medo

Lun, 05/11/2018 - 13:04 — biblioteca

O mércores pola mañá o alumnado de quinto e sexto foron convocando ao resto de cursos do colexio a unha pequena actuación na biblioteca. Alí puidose escoitar a música relacionada co medo que estiveron a preparar esa semana nas clases de música. A marcha fúnebre de Chopin, a canción tradicional costarricense "Los esqueletos", algún clásico británico como "Ghost John" ou a sintonía da mítica serie "A familia Adams" foi o repertorio completo.

 

Biblio: Charla precine

Lun, 05/11/2018 - 12:54 — biblioteca

O pasado mércores á tarde,  o alumnado de cuarto, quinto e sexto recibiu a visita do profesor de plástica na educación secundaria José Luis Carrasco. Con el, o noso alumnado fixo unha retrospectiva de como o ser humano sempre tivo a necesidade de deixar constancia do que estaba vendo, dende as pinturas nas cavernas ata as películas de cine.

José Luis trouxo, ademais, algúns dos inxeniosos aparellos que se usaron nos inicios da séptima arte para crear movementos, así como unha réplica dunha antiga cámara.

Grazas pola visita!

 

Subscribirse a este contido


by Dr. Radut