Queridas familias:
Compartimos con vós un novo recurso educativo. Tedes dispoñible na aula virtual un curso de xadrez para as crianzas que lles vai axudar a mellorar o seu rendemento escolar.
Pinchade na imaxe
Beneficios do xadrez para as crianzas
En canto ás capacidades intelectuais, o xadrez pode axudar ás crianzas a mellorar:
- A atención, concentración e a memoria.
- O poder de análise, síntese e organización.
- A capacidade de resolución de problemas e toma de decisións baixo presión.
- A creatividade e a imaxinación.
- O razoamento lóxico-matemático.
E no que se refire á intelixencia emocional, o xadrez pode axudarlles a que aprendan a:
- Ter control emocional, sabendo levar tanto os éxitos como a frustración.
- Ter sentido de transparencia, sendo persoas honestas e íntegras consigo mesmos e cos demais.
- Adaptarse a múltiples e inesperadas situacións.
- Esforzarse para conseguir o que se propoñen e incrementar a súa autoestima e confianza.
- Ter iniciativa.
- Ter empatía e comprender ao opoñente durante o xogo.
- Traballar en equipo e colaborar.