No ano 490ac, durante as Guerras Médicas, un soldado ateniense chamado Filípides foi designado para avisar os Atenienses que, contra todo prognóstico, venceran os persas na batalla de Maratón. Filípides tivo que percorrer a présa 40 Km para chegar a Atenas, momento no cal berrou " Vencemos! " e nese momento pereceu polo esgotamento.

Outras versións desta mesma lenda contan que en realidade Filípides tivo que percorrer o mesmo camiño 3 veces. A primeira para solicitar reforzos, a segunda para volver do campo de batalla e avisar de que as tropas partirían cando estivese listo, e por último para comunicar a vitoria e evitar que os reforzos tivesen que partir de Atenas.

Aínda que non está claro se foi real ou é unha simple lenda a proba olímpica con este mesmo nome está inspirada nestes feitos e foi incluída por primeira vez nas olimpíadas de 1896, en Atenas.