Lembrade que o prazo para entregar as solicitudes de bolsa deste curso 2024-2025 no colexio remata o 13/09/2024.

 https://sede.educacion.gob.es/sede/login/inicio.jjsp?idConvocatoria=2109

Unha vez cuberta a solicitude hai que imprimila e presentala no colexio, xunto coa documentación que se pida (copia dos DNI, certificado de discapacidad, documentación bancaria, memorias dos gabinetes...).

Informamos de que xa está publicada a listaxe PROVISIONAL do fondo de libros (podedes pasar polo centro ou chamar para informarvos), a DEFINITIVA publicarase o venres polo que poderedes pasar polo centro a recoller os vales a partir do luns 8 en horario de 10:00 a 13:30 horas.

Un saúdo.

Un ano máis queremos compartir con toda a comunidade educativa un anaquiño do noso traballo neste curso 23/24 que llega ao seu fin.

Aquí tedes un novo número da nosa TROITA!!!!!

Agardamos que vos guste e que nela vexades o agarimo co que mestrxs e nenxs traballamos.

SOLICITUDES COMEDOR ESCOLAR CURSO 24/25:

Estimadas familias, ÁBRESE o prazo para solicitar o uso do comedor escolar para o vindeiro curso 24/25.

Segundo a INSTRUCIÓN 2/2024 DA SECRETARÍA XERAL TÉCNICA DA CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL, DO 1 DE XUÑO, SOBRE FUNCIONAMENTO DOS COMEDORES ESCOLARES DE XESTIÓN INDIRECTA NO CURSO ESCOLAR 2024-2025, o uso do comedor escolar suporá un aboamento de certas tarifas, estas establécense en función da renda per cápita das unidades familiares. Para facer o cálculo tedes toda a información na solicitude, os datos fiscais que hai que xustificar son os da declaración da Renda do ano 2023.

A consellería de educación establece para este curso 24/25 un total de 78 prazas para o noso comedor escolar.

É moi importante que o alumnado que xa fai uso do comedor entregue a solicitude para a renovación da praza, o non entregala suporá a perda de dita praza.

Podedes recoller a solicitude no centro ou descargala no enlace e poderedes entregala no centro ou enviala por correo electrónico ao seguinte enderezo:

ceip.cordo.boullosa@edu.xunta.gal

O prazo de entrega será dende hoxe ata o MÉRCORES 10 de xullo.

Lembrade ler ben os datos recollidos na instrución á que podedes acceder no seguinte enlace

Bos días!!

Informamos de que xa está publicada a CONVOCATORIA do fondo solidario de libros de texto para solicitar as axudas para adquirir os libros de texto e material escolar.

         ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.

O prazo de presentación de solicitudes remata o DÍA 21 DE XUÑO. As solicitudes fóra de prazo perderán o dereito de participar neste programa.

DOCUMENTACIÓN:

    Solicitude e Anexo II (pódense descargar no seguinte enlace, documento so para descarga non intentar cubrir en liña).

https://drive.google.com/file/d/1_gYOqXWuuCb-3ruHriGt3S3mfsNGVk2d/view?usp=drive_link

         FOTOCOPIA do libro de familia onde figure a alumna ou alumno e os demais membros computables da unidade familiar.

4º Educación Infantil 2   Grupos   40 vacantes  (6 NEE)

5º Educación Infantil 1   Grupo     6 vacante

6º Educación Infantil 1   Grupo   0 vacantes

1º Educación primaria 2   Grupos   6 vacantes  (6 NEE)

2º Educación primaria 2   Grupos   0 vacantes

O prazo para a entrega das solicitudes será dende o 1 ao 20 de marzo.

Nos arquivos adxuntos podedes descargar a instancia (en galego ou en castelán) e o Anexo II-bis, tamén podedes pasar pola secretaría do cole a recollelos.

Pódese entregar no centro ou facelo a través da sede electrónica (coa chave 365 ou con certificado dixital).

Xunto coa instancia será necesario entregar fotocopia do libro de familia (ou fotocopia do DNI do alumn@ e dos proxenitores) e de ser o caso a resolución xudicial de separación ou divorcio. No caso de alumnado que solicita praza nun curso que non sexa 4º E.I, deberá presentar tamén a certificación de matrícula do centro actual.

A listaxe provisional publicarase antes do 25 de abril, a continuación haberá 5 días hábiles para reclamacións e antes do 15 de maio publicarase a listaxe definitiva.