Estimadas familias:
Segundo a Orde do 25 de xaneiro de 2017 que modifica a Orde do 12 de marzo de 2013, que regula a admisión de alumnos en centros sostidos con fondos públicos O alumnado que pretenda continuar estudos nun centro de adscrición, para os efecto de reserva de praza neste, deberá presentar no centro de orixe ou a través da aplicación «admisionalumnado» (https://www.edu.xunta.es/admisionalumnado) o formulario normalizado (ED550A) que se publica como anexo I desta orde. O prazo de presentación estará comprendido entre os días 1 e 15 de febreiro de cada ano. O IES adscrito ao noso Centro e o IES de Adormideras.
Así mesmo, o alumnado e as familias poderán consultar o estado de tramitación das súas solicitudes a través da aplicación informática «admisionalumnado» (https://www.edu.xunta.es/admisionalumnado) utilizando o código de solicitude e o número de DNI da persoa solicitante».
A notificación electrónica a través do Sistema de notificación electrónica de Galicia Notific@ (https://notifica.xunta.gal) realizarase con respecto aos trámites e actos propios da competencia das xefaturas territoriais, sempre que a persoa elixira esta modalidade como medio de notificación preferente»
Cando os postos escolares no centro de adscrición sexan suficientes para satisfacer a demanda, publicarase no taboleiro de anuncios do IES e comunicarase ao centro de orixe.
Neste caso a reserva adquirirá carácter vinculante e será incompatible coa presentación de solicitudes noutro centro.
Despois deberán formalizar a matricula no IES do 25 de xuño ao 10 de xullo.
Os alumnos que desexen continuar estudos noutro Centro que non sexa o IES de Adormideras deberán presentar solicitude de admisión (anexo II) no mes de marzo (do 1 ao 20) no centro elexido en primeiro lugar.
As solicitudes de admisión, dirixidas á dirección dos centros públicos e á titularidade dos centros privados presentaranse mediante o formulario normalizado a través da aplicación de xestión do proceso «admisionalumnado» (https://www.edu.xunta.es/admisionalumnado).
Tamén se poderán presentar de forma presencial no centro docente indicado como primeira opción e, ademais, en calquera dos lugares e rexistros establecidos na normativa reguladora do procedemento administrativo común utilizando o formulario normalizado.
O alumnado deberá formalizar matricula no IES entre o 25 de xuño e o 10 de xullo.
A Coruña, 1 de febreiro de 2017
