O claustro do CEIP Plurilíngüe de Carnota quere sumarse á campaña de Down Galicia:
Tendo en conta a situación que nos toca vivir non queremos pasar por alto esta data sen alzar a voz para reclamar unha sociedade máis inclusiva, diversa e plural.
Por iso #EUQUEDONACASA e visibilizamos o 21M poñéndonos #CalcetínsDispares.
Dende a Biblioteca do colexio imos colaborar un ano máis nunha campaña de recollida de produtos navideños e de limpeza. O lema desta campañadeste ano é "Cada xesto conta". Picade na imaxe para ver toda a información da campaña.
No noso centro estamos levando a cabo algunhas reformas co fin de acadar unha biblioteca máis inclusiva e que estea ao alcance de todos e todas. Aquí vos deixamos algunhas imaxes:
Un curso máis xa estamos de volta! Este ano o CEIP de Carnota comeza en positivo e cun novo proxecto que xirará en torno ao tema das emocións. Por iso, titulámolo C+ (Carnota en positivo).
A nosa mascota, Leocadia, este ano está emocionada e así recibe ao noso alumnado invintándoo a emocionarse con ela.
Como podedes ver nas imaxes que aparecerán a continuación, durante estas semanas xa lle estivemos dando vida aos corredores en relación coa temática do noso novo proxecto.
Para cubrir os murais inspirámonos no conto 'O monstro das cores' e todo o alumnado xa pasou a deixar as súas mensaxes en cada un deles.
Seguindo o conto, no amarelo cóntannos cando senten alegría; no azul cando senten tristeza; no verde cando senten calma; no negro cando senten enfando; e, por último, no vermello cando senten rabia.
Aquí vos deixamos unhas imaxes para que vexades o bonito que nos quedou!
Un ano mais, a revista oficial do CEIP de Carnota xa está dispoñible!
Agora que chegamos ao final do curso, é hora de recordar todas as actividades interesantes que fixemos durante o ano, e reflexionar sobre o que aprendemos. Por iso, os nenos e as nenas do cole de Carnota prepararon moitas seccións con diversas temáticas: seguridade, entrevistas, letras galegas, arte, natureza, entretemento...
Para acceder á revista, só tedes que facer click AQUÍ. Apertas!
Os Kamishibais regresaron ao CEIP de Carnota! Como nos últimos anos, o alumnado de 4º, 5º e 6º, preparou os seus contos de Kamishibai para compartir co resto de compañeiros/as.
Cada un destes cursos elixiu un conto e adaptouno ao estilo Kamishibai. Para iso, tiveron que practicar a lectura en voz alta da historia, e realizar os debuxos que axudaron a representala.
Cada día, no tempo de lectura, estes grupos foron representando os seus Kamishibais ante o resto de compañeiros/as.
Aquí tedes algunhas fotos destas fantásticas representacións.
Por último, tamén queremos compartir con vós os vídeos dos Kamishibais para que poidades disfrutalos.
Presentámosvos a Guía de Lectura para este Nadal, esperamos que vos guste xa que foi preparada con moito cariño por todo o pofesorado do centro.
Esta selección de libros pódevos axudar á hora pedir ou idear un agasallo especial, así como tamén son os compañeiros ideais para mergullarse nunha historia de aventuras, fantasía ou para seguir aprendendo máis cousiñas interesantes sobre o proxecto deste curso, "A seguridade".
Desde o C.E.I.P. de Carnota entendemos a nosa biblioteca como o punto de partida para todos os nosos proxectos e ideas. Sen dúbida, é o eixe vertebrador da nosa actividade educativa. Grazas ao plan de mellora das bibliotecas escolares (PLAMBE), podemos proporcionar un espazo con multitude de recursos e posibilidades.
Entre as actividades que estamos levando a cabo na actualidade, podemos destacar:
- Mochilas viaxeiras.
- Clubs de lectura.
- Proxecto "Libros que alimentan".
Ademais, na biblioteca dispoñemos dun amplo catálogo de libros, destinados a todas as idades, así como de diversos ordenadores, onde o alumnado pode buscar información. Por outra banda, o programa MEIGA permítenos desenvolver un sistema de préstamo de libros, dispoñibles para toda a comunidade educativa.
Benvidos un ano máis á nosa biblioteca, o noso espazo de lectura e aprendizaxe onde como xa sabedes, levamos a cabo actividades moi especiais.
A través desta mensaxe queremos comunicarvos que a biblioteca xa está oficialmente aberta, e que podedes acudir a ela cando queirades.
Leocadia quedou moi contenta co éxito do proxecto do ano pasado, relacionado coa ciencia. Este ano, o novo proxecto será "A seguridade", para o cal comezaremos a preparar carteis e materiais. Esperamos a vosa participación!
