CEIP Plurilingüe Cardeal Quiroga Palacios

Trala da votación celebrada o pasado 28 de novembro as persoas elixidas foron:

- Noelia Negreira Ferrol.

- Cristina Andreetti.

A Dirección do Centro.

De acordo coa Convocatoria, o próximo día 28 luns en horario de 16:30 a 18:30 horas, celébrase neste Centro a votación para a elección de representantes dos pais, nais ou titores legais do alumnado no Consello Escolar do Colexio. Para participar na referida votación, tal como se sinalaba na citada Convocatoria, procederase da seguinte forma:

1º.- Quen pode votar.

Teñen dereito a votar todos os pais, nais ou titores legais do alumnado matriculado no Centro que figure no Censo que ao efecto aprobou a Xunta Electoral, tras a súa exposición pública regulamentaria. Tal dereito corresponde ao pai á nai ou titor legal, podendo exercer este dereito ámbolos dous proxenitores.

 2º.- Modo de emitir o voto.

a) O voto será directo, secreto e non delegable.

b) Os modelos de papeletas da votación serán, obrigatoriamente, os previamente fixados pola Xunta Electoral do Centro, dos que haberá cantidade suficiente no local da votación.

c) Nas referidas papeletas figurarán os nomes dos candidatos, por orde alfabético de apelidos, e cada elector deberá marcar cunha cruz un nome das candidatas ou candidatos relacionados, debendo acreditar a súa personalidade, no momento de votar, mediante a exhibición do D.N.I. ou documento similar.

d) Finalizada a votación procederase ao acto do escrutinio dos votos, que será público, e unha vez realizado levantarase a correspondente acta.

A dirección deste Colexio anima a todos os pais, nais e titores legais do alumnado a que participen na votación do próximo luns, como unha forma máis de colaboración na organización do Centro, a fin de conseguir a máxima representatividade posible de pais e nais no Consello Escolar.

Santiago de Compostela, 25 de novembro de 2022

A DIRECTOR/A DO CENTRO,

Unha vez finalizado o prazo de presentación de candidaturas para a elección dos representantes de nais, pais e/ou titores legais do alumnado no CONSELLO ESCOLAR do Centro, segundo convocatoria do 2 do mes en curso, a XUNTA ELECTORAL deste Colexio fai pública a relación de nomes das persoas candidatas que se presentan á referida elección, segundo se indica de seguido por orde alfabético de apelidos:

1. Andreetti, Cristina

2. Conde Santos, Santiago

3. del Aguila Gonzalez-Outón, Mª Paola

4. di Pietro, Pamela Marilin Vanesa

5. Monteagudo Dominguez, Gumersindo

6. Noelia Negreira Ferrol.

7. Rial Aldao, Alejandra

8. Vilar Ameijeiras, María Carmen

Segundo o establecido no artigo 41 do Decreto 374/1996, do 17 de outubro (DOG do 21) corresponde elixir no presente proceso electoral a dous pais/nais, dun total de cinco que debe ter o Consello Escolar. Os outros tres representantes de pais continúan como consecuencia da súa elección anterior no ano 2021

Segundo o punto 5º da Convocatoria de elección de nais, pais ou titores legais para o Consello Escolar do 2 de novembro, a campaña electoral comprenderá dende o 22 ao 27 de novembro, ambos días inclusive.

As votacións terán lugar o vindeiro día 28 de novembro entre as 16:30 e 18:30 h, no centro escolar.

O que se fai público para xeral coñecemento.

A Directora do Centro

Presidenta da Xunta Electoral

Ábrese o prazo para presentación das candidaturas para pais/nais/titores e profesorado para a renovación do consello escolar.

As candidaturas deberán ser presentadas na Secretaría do cento ata as 14:00h do 18 de novembro.

Modelo de candidatura

A dirección

De acordo coa Resolución do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros de educación non universitaria (DOG , n. 187 do 30 de setembro de 2022), a XUNTA ELECTORAL deste Centro, en virtude das atribucións que lle son conferidas pola lexislación vixente, dispón a convocatoria de eleccións ao Consello Escolar, SECTOR DE PAIS E NAIS DO ALUMNADO,

A Dirección.

De acordo coa Resolución do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros de educación non universitaria (DOG , n. 187 do 30 de setembro de 2022), a Xunta Electoral deste Centro, en virtude das atribucións que lle son conferidas pola lexislación vixente, dispón a convocatoria de eleccións ao Consello Escolar,SECTOR DE PROFESORES

A Dirección.

CONSTITUCIÓN DA XUNTA ELECTORAL.

 De conformidade co establecido na Resolución do 19 de setembro de 2022,da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos (DOG, N. 187 do30 de setembro de 2022), realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.

 A Organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

 O Director ou directora do Centro.

• Un profesor ou profesora.

• Un pai ou nai ou titor legal.

• Un representante do persoal de administración e servizos.

 Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste Centro o próximo mércores 2 de novembro ás 12:10 horas.

 Aqueles membros da comunidade educativa que desexen presentar as súa candidatura para formar parte do novo consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

Dirección

A PXA inclúe no seu Anexo as seguintes programacións:

I.- PLAN DE INTEGRACIÓN DAS TIC.

II.- PLAN DIXITAL

III.- PROA+

IV. PLAN DE ACTIVIDADES PALANCA

V.- PLAN DE RECUPERACIÓN

VI.- PLAN XERAL DE AVALIACIÓN DO CENTRO

VII.- PLAN DE IGUALDADE

VIII.- PLAN DE CONVIVENCIA

IX.– PLAN DE AUTOPROTECCIÓN

PXA curso 2022-2023

RESOLUCIÓN do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.

Persoas Beneficiarias:

Na resolución establécese que os beneficiarios do vale para adquirir material escolar por importe de 50€ recibirán un vale adicional de 25€

Importante:

O vale debe empregarse preferentemente na libraría/establecemento antes do 1 de decembro de 2022.

Recollida de vales:

Os vales poderán ser recollidos na Secretaría do centro en horario de 9:00h a 14:00h de luns a venres, a partires do 18 de outubro.

Administración.