CEIP Cabada Vázquez

EDUCACIÓN FÍSICA INFANTIL (semana do 14 ao 19 de abril)

ALGÚNS DOS TRABALLOS FEITOS POLO ALUMNADO (Pincha na imaxe)

CANTANDO E BAILANDO APRENDEMOS O ABECEDARIO

A canción de MAGÍN BLANCO “O abecedario” complementa o libro O abecedario, con ilustracións de Óscar Villán, publicado pola Mesa pola Normalización Lingüística.

A música é unha ferramenta fundamental pois con ela motivamos na comprensión e memorización dunha forma divertida. Conseguiremos desenvolver o sentido do ritmo, fomentar a imaxinación e a capacidade creativa, aumentar o vocabulario e favorecer que expresen as emocións.

A letra da canción de O abecedario é unha boa ferramenta para ensinarlles aos nenos e nenas o abecedario galego así como para estimular a linguaxe oral e ao mesmo tempo entretelos. Cantar é un excelente recurso didáctico para os nenos e nenas. Favorece o desenvolvemento da atención, concentración, memoria, imitación, comunicación e socialización.

XOGAMOS AOS ANIMAIS (pincha na imaxe)

RESPOSTAS DO ALUMNADO

Xogo dos animais:  https://youtu.be/Xq3_Y3y_tns

Ola papás e mamás,

Aquí déixovos algúns enlaces de cancións , historias, etc, en inglés, que son coñecidas para os vosos fillos e fillas, por se os queredes entreter un anaco.

Saudiña para todos e todas.

No CEIP Cabada Vázquez celebramos o entroido con moita ilusión. Nas últimas semanas creamos disfraces, partindo do lema da nosa biblioteca escolar deste curso: "PRÓXIMA MISIÓN: SEN PLÁSTICOS", buscando materiais que se puideran reciclar e utilizamos a temática do mar.

O alumnado e o profesorado participou de diferentes formas: cantando, bailando, regueifando despois dunha camiñata ata o pobo, para promocionar o noso PROXECTO DEPORTIVO DE CENTRO (PDC: XOGADE e Móvete +)

Ademais contamos coa colaboración das familias que nos acompañaron durante o desfile e nos deleitaron cunhas regueifas.

Foi un día especial que compartimos en familia toda a comunidade educativa.