CEIP BERGANTIÑOS

Bo día.

Adxuntamos presentación en PDF (ver documento adxunto) sobre o inicio do curso escolar 2022-2023. Este dará comezo o vindeiro xoves 8 de setembro, en horario de 09.40h a 14.40h, para todo o alumnado matriculado, excepto os nenos e nenas de 4º de EI, que estarán a desenvolver o período de adaptación.

Ao longo destes primeiros días non lectivos (do 1 ao 7 de setembro), os titores/as poranse en contacto convosco para informarvos con máis detalle do inicio e desenvolvemento das clases, ben con reunións presenciais, ou ben vía telefónica ou por ABALAR.

Así mesmo, aproveitamos para informar de que as listaxes dos diferentes grupos de Educación Infantil e Educación Primaria estarán colgadas no hall do centro educativo, para poder ser consultadas polas familias, a partires do luns 5 de setembro.

Debido ás reunións docentes que se desenvolverán o xoves 1 de setembro, as familias que teñen pendente a recollida de vales de material e de libros, poderán pasar polo centro a recollelos, a partires do venres 2 de setembro.

Un saúdo cordial.

O equipo directivo.

No seguinte vídeo podedes ver  ao alumnado de Educación Primaria  realizando unha coreografía dentro do proxecto "Móvete +", pertencente ao Plan Proxecta da Consellería de Cultura, Educación e Universidade, no que o noso centro participa desde hai uns anos.

Para ver o vídeo premede AQUÍ.

O pasado luns (25 de abril) e o venres (29 de abril) o alumnado de 2º e 6º de E.P., respectivamente, gozaron dos espectáculos musicais "A voar" e "Desconcerto". Estas actuacións musicais foron programadas polo Concello de Carballo dentro da celebración da XV edición da Semana do libro e a lectura. Aproveitando as mañás soleadas, os espectáculos puideron celebrarse ao aire libre.

Para ver fotos de ambos espectáculos premede AQUÍ

Desde aquí queremos dar as grazas a todas as persoas da comunidade educativa que colaborastes aportando axuda para o pobo ucraíno: tanto ás familias como ao persoal docente e non docente. Agradecemos tamén a colaboración ofrecida por Protección Civil de Carballo no relativo á recollida e transporte da axuda. Premendo AQUÍ podedes ver fotos do proceso de preparación e envío de todo o material recollido estes días no centro.

Ao longo desta semana conmemoramos no centro o Día Internacional da Muller. O alumnado centrouse principalmente en investigar sobre mulleres que foron pioneiras en diversos eidos (cultura, política, deporte, ciencia, etc.) e plasmar o resultado desta investigación nunha ficha cos datos máis relevantes sobre a vida e o traballo destas mulleres. Posteriormente recompilouse a información elaborada en cada aula en forma de  murais, tanto no edificio de Infantil como no de Primaria. 

Premendo AQUÍ podedes ver imaxes dos traballos realizados.