CEIP BERGANTIÑOS

Este venres celebramos na escola o Magosto e o Samaín. Despois de dous cursos sen poder comer as castañas todas as aulas xuntas, por fin puidemos volver a facelo este ano. Xa que nas primeiras horas da mañá a choiva deu una tregua poidéronse realizar  os xogos de Magosto e parte da degustación das castañas no exterior.

Nas fotos que aparecen a continuación podedes ver a exposición de contos terroríficos realizada polo alumnado de Educación Primaria (de 3º a 6º) (na entrada previa tedes tamén os contos en formato audio que fixeron os grupos de 1º e 2º de E.P.). Tamén hai fotos de decorados do edificio de Educación Infantil.

Bo día.

Adxúntase, nesta publicación, Programación Xeral Anual para o presente curso académico, o curso 2022-2023, a cal foi aprobada nas reunións de Claustro e de Consello Escolar, celebradas no día de onte, 24 de outubro de 2022.

Saúdos.
María José Zas Lista,
directora do CEIP Bergantiños.

A Asociación VIEIRO dentro da programación dePREVENCION no ÁMBITO FAMILIAR,pon en funcionamento o programa“PAIS E NAIS NO OCÉANO EDUCATIVO”,destinado a pais, nais e persoas
con responsabilidade familiar, que desexen informarse e formarse á hora de desempeñar a súa labor como
educadores/as.

Este programa está composto por obradoiros impartidos por psicólogas e educadoras de Vieiro que buscarán dar as ferramentas axeitadas para saber navegar no océano educativo e distribuiranse do seguinte xeito:
-“CARTAS DE NAVEGACIÓN” (Habilidades sociais)
-“BUSCANDO O NORTE” (Disciplina positiva)
-“CADA BARCO TEN O SEU TIMÓN” (Normas e límites)
-“CAPEANDO O TEMPORAL” (Resolución de conflitos)
-“MAR DE REDES” (Novas tecnoloxías)
-“MARIÑEIROS E MARIÑEIRAS” (Coeducación e igualdade de xénero)

Este programatotalmente gratuíto,poderano solicitar aquelas ANPAS ou CENTROS EDUCATIVOS que o desexen, ademais de os pais e nais a nivel persoal.

Para a realización destas escolas é imprescindible o compromiso de asistencia ás mesmas, de non ser así o grupo poderá disolverse e/ou reubicar ás/aos asistentes noutras escolas que estean en funcionamento.

Os obradoiros darán comezo no mes de Outubro. As sesións terán unha periocidade semanal, quincenal ou mensual segundo preferencia dos participantes e a súa duración será de hora e media.

A inscrición pode facerse na Asociación Vieiro, chamando ao teléfono 981 75 61 61 ou na ANPA do colexio a onde pertenzan.

Para calquera dúbida poden chamar ao 981756161.

Bo día.

No documento adxunto, tedes un folleto coa información básica sobre os cursos E-DIXGAL, que se imparten en 5º e 6º de EP no noso centro educativo.

Un saúdo.

A coordinadora TIC do centro educativo.

Bo día.

Adxuntamos modelo de autorización para que o alumnado de 5º e 6º de EP poida saír só, a partires das 14.40h do centro educativo, ou á saída do comedor escolar. Este tipo de autorización ten validez por curso escolar. Por iso, o alumnado de 5º de EP que a tiña asinada o curso pasado, deberá traer esta autorización impresa e asinada, para permitirlles saír sós xa o día 8 de setembro.

O 1º día lectivo, cada titor/a fará reparto das mesmas tamén.

Un saúdo,

O equipo directivo.