Bo día !
O día contra a violencia de xénero , o 25 de novembro, o alumnado de quinto de primaria participou nun obradoiro de deseño 3D . Entre todos os deseños presentados os nenos e as nenas dese curso escolleron os logos que máis lles gustaron.
Agora a impresora 3D traballa duro para poder repartir entre todo o alumnado do colexio os distintos deseños seleccionados. Tamén se adxunta un código QR que nos leva ao blog da biblioteca onde poden curiosear as novidades lectoras e outros aspectos de interese.
Aquí deixamos uha mostra dos deseños gañadores e á clase de sexto A co seu agasaio.
Ata pronto.
Un saúdo!
Bo día.
O vindeiro mércores 25 de novembro conmemórase o Día Internacional da Eliminación da Violencia contra a muller.
É un tema que traballamos nos colexios de forma transversal , desde todas as áreas , e de forma lonxitudinal , ao longo de todo o curso. A maiores, o 25 de novembro facemos máis fincapé no tema elaborando actividades e obradoiros. Por exemplo, coordinado polo equipo de convivencia e o equipo de biblioteca, o alumnado de 4º,5º e 6º de educación primaria elaborou lemas e debuxos para berrar NON á violencia de xénero e os alumnos e as alumnas de 5º curso de primaria fixeron un obradoiro de deseños de logos en 3D ( serán un agasaio para o alumnado segundo se vaian imprimindo). Tamén hai unha exposición de libros sobre igualdade e , nas horas de ler, vemos vídeos sobre a igualdade nos deportes e na vida diaria e...aínda queda moito traballo por facer!!!
Nesta entrada deixamos unha foto da exposición de libros e os lemas e debuxos que fixo o alumnado de primaria (prema na foto) e non podía faltar un programa especial de Bencho-Radio sobre a igualdade(prema en Bencho-Radio)
Esperamos que vos guste.
Unha aperta.
Parabéns!!! Parabéns!!! Moitos parabéns!!!
Comezamos esta entrada felicitando a todo o alumnado que visita a biblioteca , que disfruta da lectura , que descubre mundos máxicos sen sair da habitación...
Dun xeito especial felicitamos aos lectores e lectoras do mes , aos que mais libros "devoraron" , os primeiros gañadores das insignias de Bencho e ... mirade que orgullosos e orgullosas e , por suposto, guapos e guapas, recibiron os agasallos.
![]() |
![]() |
![]() |
![]() |
Xa sabedes bencholectores , esperamos as vosas visitas na biblioteca do cole e... FELICES LECTURAS!!!!
HAI SORPRESAS ESPERANDO PARA TODXS!!!
Benchosaúdos.
O venres celebramos no centro o SAMAÍN , dun xeito distinto a outras veces , xa sabedes...
O alumnado fixo actividades de todo tipo e resultou un día diferente con moito traballo e moita diversión tamén.
Nesta entrada deixamos un vídeo no que os nenos e nenas de segundo de primaria nos contan a orixe celta da festa do Samaín.
A disfrutar!!!
Ola amigos e amigas.
O venres 23 de outubro fixemos diferentes actividades para celebrar o día das bibliotecas. Coñecemos a biblioteca de Alexandría e o alumnado de segundo de primaria fixo uns marcapáxinas preciosos. Mirade:
![]() |
![]() |
![]() |
![]() |
![]() |
![]() |
![]() |
![]() |
Ola Bencholectores.
O 24 de outubro celébrase o día Internacional das Bibliotecas e a biblioteca do cole ten preparadas varias actividades que comezarán o venres 23 de outubro e continuaremos na vindeira semana.
Algunhas das tarefas propostas son:
- na hora de ler deste venres 23 coñeceremos mellor unha das bibliotecas mais prestixiosas do mundo, a biblioteca de Alexandría.
- despois de ver o documental sobre dita biblioteca faremos marcapáxinas sobre a temática do PDI deste curso , As Antigas Civilizacións, así como da propia biblioteca de Alexandría.
- na entrada do cole temos unha impresionante exposición de libros sobre as civilizacións. IDE MIRANDO QUE LIBRO QUEREDES QUE O EMPRÉSTITO VAI A MIL POR HORA...
- na parede principal da entrada podemos observar un mapamundi no que ao longo do curso imos descubrir moitos segredos dos viquingos, maias, celtas...
Xa vedes que empezamos a tope...
Ollo que desde este 24 de outubro comeza a carreira por ser O SUPER LECTOR/A DO MES e gañar distintos premios.
Aquí deixo un resumo nunha imaxe interactiva.
Vémonos na biblio.
Moitas grazas.
Olaaaaa
Xa estamos de volta nun novo curso e a biblioteca de BENCHO está preparada para desenvolver todo tipo de actividades.
Empezamos con forza e moitas gañas para seguir descubrindo novas lecturas, novos aprendizaxes e unha chea de aventuras...
Aventuras!!!???? Escoitei aventuras!!!???
De AVENTURAS este curso imos sobrados pois o Proxecto Documental Integrado (PDI) que dirixe a biblioteca leva por título.... AS ANTIGAS CIVILIZACIÓNS.
Viquingos, celtas, maias, romanos, exipcios... este ano imos descubrir moitas cousas destes pobos e vivir moitas aventuras.
Deixovos co cartaz do PDI pero de seguida estamos de volta porque xa a vindeira semana temos moitas sorpresaaassss.
Abur.