Normalización

Xa temos o vídeo do festival de Entroido publicado na nosa canle de youtube!

Hoxe tivemos a sorte de recibir a Brais das Hortas e gozar do seu espectáculo: Contos para caghar patatillas.

Foi divertidísimo e tanto alumnado como profes pasámolo xenial!

En breve teremos vídeo da actuación, de momento deixamos unha fotiño e unha sorpresiña que lle preparamos a Brais: a nosa versión do seu videoclip "Santa Compaña 2.0"

Bo día familias,

por mor das inclemencias meteorolóxicas vémonos obrigados a cancelar a excursión de fin de curso ao Monte Aloia, pero temos preparado un plan B

O luns o alumnado virá ao centro como cada día e levaremos a cabo diferentes actividades:

- Visionado obra de teatro aula de 5 anos.

- Sesión de cine: temos 6 salas de cine preparadas para que o alumnado escolle a súa película preferida.

- Pícnic: cada neno traerá a súa comida e xuntos, en familia Belesar, gozaremos dun magnífico pícnic

- Karaoke

Remataremos ás 16.00h, hora a que teredes que vir a recoller os nenos/as.

Preguntas:

- Hai transporte escolar? Para subir ao cole si, para baixar non, xa que rematamos ás 16.00h.

- Hai servizo de comedor? Non, posto que cada neno/a traerá a súa propia comida para o picnic.

- Hai que levar comida para un mesmo ou para compartir? Comida para o neno/a.

Grazas a todos e feliz finde familias!

Equipo directivo

Xa imos polo terceiro día da nosa Semana Cultural, esperemos que a esteades gozando dela tanto coma nós.

Aquí vai o vídeo das actuacións de hoxe!

Como xa é tradición en Belesar na semana das Letras Galegas, este ano adicadas a Florencio Delgado Gurriarán, o alumnado do centro prepara actuacións de forma voluntaria para participar na, tan esperada por todos eles, Semana Cultural.

Deixamos o vídeo do primeiro día de actuacións, esperemos que gocedes del!