Actividades de Normalización Lingüística

Xa coñecemos os gañadores do concurso de Postais de Nadal... mirade que guapos e orgullosos posan coas súas tarxetas e regaliños. Parabéns Irene, Gerard, Lorena e Saray!

E mención especial á gañadora absoluta do concurso, Saray. Con cuxa postal vos desexamos moi BO NADAL e FELIZ ANINOVO.

Como podedes recordar, o curso pasado os rapaces e rapazas de 4º, 5º e 6º de Educación Primaria, presentaron un proxecto audiovisual ao certame "Imaxina Cantares", convocado pola Secretaria Xeral de Política Lingüística da Xunta de Galicia co gallo da conmemoración do 150º Aniversario da publicación de Cantares Gallegos, de Rosalía de Castro.

Ben, pois resulta que obtiveron unha mención de honra polo traballo realizado e o pasado mércores invitáronnos a Padrón, á Fundación Rosalía de Castro, a recoller o noso agasallo.

Fixemos unha longa viaxe, pero pasámolo xenial e sentímonos moi orgullosos do noso "Has de Cantar", que podedes ver aquí.

Noraboa ao alumnado de 4º, 5º e 6º de EP do noso cole!!! O seu traballo "Has de cantar meniña gaiteira" recibíu do xurado do certame unha mención de honra e polo tanto un recoñecemento formal a todo o seu esforzo.

Moi ben feito rapaces/zas!!!!

Nesta ligazón podedes acceder á páxina da Consellería onde figuran os traballos premiados.