No día de hoxe visitounos no cole un mago-científico da compañía "A Illa d@s nen@s". Si, si, o que estades lendo.

A parte dese acento un tanto extrano que tiña o que nos amosou foi incrible e quedounos moi claro que a ciencia e a maxia son cousas ben distintas, aínda que a simple vista parezan o mesmo.

Fixo cousas coas cores, cos números e coa luz que nos deixaron pasmados. Pero o que máis impresionados nos deixou foi que convertiu a algúns nenos e nenas nun cable humano!!! Asegúrovos que o cable estaba roto e que conseguimos que o son chegara dende o ordenador ata o altofalante tan so colléndonos das mans (ou do nariz, ou chocando as palmas, ou dándonos un bico...) A que non creríades tal cousa?

Hoxe visitáronnos uns amig@s, nesta ocasión os Bombeiros Forestais do distrito Forestal 1 de Ferrol.

Ensináronnos a importancia de coidar o monte, faláronnos de todas as cousas que nos proporciona e explicáronnos cómo debiamos de comportarnos na natureza. Xogaron con nós, ensináronnos os seus traxes e equipamento, deixáronnos libros para que non se nos esqueza todo o que aprendemos... pero o que máis nos gustou foi o CAMIÓN! Ata poidemos subirnos, que emoción!!

A pena foi que case nos mollamos, e non por culpa da mangueira!!