Dende o colexio quixemos impulsar o achegamento dos rapaces á ciencia e unímonos á celebración durante o mes de Novembro como mes adicado á ciencia en galego. O resultado do noso traballo reflectímolo na montaxe que podedes ollar neste enlace.
Dende o Ceip de Baltar unímonos na lembranza ao Día da Eliminación da Violencia contra a Muller con diversas actividades:coñecemento do significado do símbolo que reflicte esta data,dinámicas de sensibilización coas voluntarias da asociación CDR O Viso e participación na concentración realizada polo Concello de Baltar.
Onte os rapaces de segundo,terceiro,cuarto,quinto e sexto participamos na xornada de Deporte escolar que se celebrou no campo de A Moreira en Xinzo.Algúns tiveron a sorte de clasificarse e outros tivémola de pasalo xenial e coñecer a rapaces doutros colexios.