E. PRIMARIA

Dende a aula de EDUCACIÓN FÍSICA, o profe Noel, sempre disposto a innovar e acercarlle ó alumnado moitas actividades novas, organizou un TORNEO DE  DATCHBALL .

Traducido ó noso idioma como "balón prisioneiro",trátase dun deporte de colaboración e oposición disputado nunha cancha dividida. O obxectivo principal é eliminar  os xogadores  do equipo contrario lanzando pelotas e tocándolles con estas antes de que estes rivais consigan o mesmo obxectivo.É unha actividade física que axuda a fomentar o traballo en equipo .

O torneo comezou hoxe no recreo.

Aquí quedan algunhas imaxes que deixan ver a implicación e a boa acollida que tivo entre o noso alumnado.

GRACIÑAS PROFE!!!!

Por vez primeira o alumnado máis maior do Centro, 4º,5º e 6º asistiu en streaming a unha interesante conferencia. Algo novedoso para as nenas e nenos que esperaban impacientes a ver que ía pasar...E así foi:

Patricia García, docente e pedagoga falounos da forma de ensinar a través da creatividade.

E como se fai?:

Curiosidade, Orixinalidade, inventiva, imaxinación... como obxectivo para que non se acabe nunca a creatividade.

Aprendemos que todxs somos creativxs, so necesitamos gañas...de crear e de escoitar...

UNHA EXPERIENCIA DISTINTA!

Esta semana o noso alumnado  vai recibir a entrenadores e xogadoras do Club Balonmán Atlético Guardés para recordar e explicar as normas deste deporte e xogar algo claro!!!

Estamos encantadas/os de recibilos!!!

Ademáis o Centro recibiu esta invitación e quere trasladala ás familias por se desexan apuntarse:

Hoxe, o alumnado de 5º e 6º recibiu unha interesántísima charla da Garda Civil para tratar estes temas:

Como é un tema que lles interesa moito, estiveron moi interesad@s e ben atent@s  

A Garda Civil que lles falaba empezou dándolles CONSELLOS para protexer a identidade: evitar subir á internet informacións con datos seus, con fotos comprometidas, desconfiar de persoas descoñecidas, poñer contraseñas seguras...porque quixo deixar claro que ...

Desglosoulles tamén as AMENAZAS DE INTERNET: xogos de rol con chat moi violentos, acoso escolar ou ciberbulling, retos virales...Faloulles de xogos ós que xogaban habitualmente e non eran para a súa idade.

Tamén foi clara nas RESPONSABILIDADES e castigos para determinadas accións.

Dende o Centro agradecemos á Garda Civil estas charlas que axudan na formación integral das nosas nenas e nenos.