Prezadas familias:

Tal e como falamos telefonicamente, no arquivo adxunto envíanse unhas breves instrucións cos pasos necesarios para efectuar a solicitude de bolsas para o Alumnado con Necesidade Específica de Apoio Educativo para o curso 2022-2023, que convoca o Ministerio de Educación e Formación Profesional. Igualmente, achégase un documento co texto da convocatoria.

É importante ter en conta que o prazo máximo para presentar a documentación da solicitude no centro é o día 30 de setembro.

No caso de que existan dúbidas ou se precise algunha aclaración, estou á vosa enteira disposición.

Moitas grazas.

Un saúdo cordial:

Maruxa Villamor

Estimadas familias: Benvidas ao curso 22/23!

Nos documentos adxuntos tedes información  do profesorado deste curso e adscrición ás titorias.

Tamén está o calendario escolar para que poidades organizarvos e as instrucións para darvos de alta en COLECHEF coa clave que corresponde ao noso centro.

As actividades lectivas inicíanse o día 8.

Saudiños.

O vindeiro 7 de xullo faránse públicas na entrada do centro as listas provisionais de axudas de libros e material didáctico.

Hai dous dias de prazo para reclamacións e o día martes  día  12 publicaranse as definitivas.

A partires do xoves día 14  e ata o día 29 poden pasar polo centro para recoller os vales en horario  de 10:00 a 13:00. As persoas que non poidan pasar en xullo poden recoller os vales en setembro.

Recomendamos non adquirir os libros nin o material ata que a persoa titora llelo indique unha vez iniciadas as actividades lectivas.

Está aberto o prazo para a formalización de matrícula para o alumnado de nova incorporación ata o dia 30 de xuño.

O impreso podedes conseguilo na conserxería do centro  e tamén vai como adxunto.

Estimadas familias:No centro elaboramos unha enquista sobre os usos tecnolóxicos do noso alumnado e  os resultados foron preocupantes.  Pensamos organizar unha charla sobre o tema e queremos contar coa presenza do Dr.Antonio Rial Boubeta.

Precisamos saber cantas persoas estarían dispostas a asistir . Sería un martes do mes de xuño (7, 14 ou 21) a partires das 17:30.

Para comunicar a vosa asistencia podedes empregar o modelo do documento informativo  que achegamos como adxunto ou comunicalo ao centro por teléfono ou correo electrónico.