O curso chega ao seu fin. A pesar de todas as restriccións que a pandemia da COVID 19 obrigounos a adoptar, o alumnado e profesorado negámonos a non facer ningunha excursión.

Así que, este mércores, 16 de xuño, as aulas de terceiro pecharon as súas portas  e marchamos cara ao río Frade, para camiñar á beira da infinidade de muíños que hai ata a aldea de Meiro. 

Esta camiñata non a poderiamos levar a cabo sen a guía de MARTÍN CALVIÑO, que non só coñecía perfectamente o camiño, senón que nos días previos dedicouse a limpar e sacar atrancos para que os 48 nenos e nenas que formamos parte deste nivel de primaria, puideramos camiñar sen imprevistos.

Tamén queremos agradecer a axuda de PATRI TORRES, mestra que o ano pasado fixo prácticas no noso cole, e que colaborou co profesorado facendo a ruta máis doada.

Neste vídeo poderedes desfrutar vendo o ben que o pasamos e ...

BEN MERECIDO QUE O TIÑAMOS DESPOIS DUN CURSO

MOI, MOI DURO!