Conmemoracións

Así de ben conmemoramos a festa de samaín / halloween e magosto no cole! Houbo obradoiros de cornetes, de manualidades,  truco o trato, contacontos de lendas e historias de medo, desfile pola rúa e unha boa merenda a base de castañas amenizada coa mellor música. Ah! e tamén a entrega de premios do certame literario " María Castaña 2024". 

Saímos no xornal "El Progreso" cantando a canción "No Samaín", e, ata o propio autor da canción que interpretamos, Paco Nogueiras (a quen lle estamos moi agradecidos pola súa música), aplaudíu a nosa actuación.

 

 

 

Ver esta publicación en Instagram

Una publicación compartida de El Progreso de Lugo (@elprogresodelugo)

 

Álbum: Curso 2024-25 -> Samaín/Halloween/Magosto 2024

Conmemoramos o Día das Letras Galegas, adicado este ano á escritora Luisa Villalta Gómez. Despois de coñecer a súa vida e obra literaria, xuntámonos para celebrar esta data con xogos populares: tira da corda, a chave, a raiola, o pano, pato-ganso, a ra ... , nos que un ano máis, contamos coa colaboración do alumnado e profesorado do CPI de FP Politécnico de Lugo. Como remate a esta xornada, gozamos da música tradicional galega que nos trouxo a Asociación Cultural Foliada de Bosende. 

O noso agradecemento a ámbalas dúas institucións pola súa inestimable colaboración. Moitas Grazas!

Álbum: Curso 2023-2024 -> Letras Galegas 2024

Como cada 2 de abril, conmemoramos con diversas actividades o DÍA MUNDIAL DO AUTISMO ,que este ano, presentamos baixo o lema "AUTISMO PRETO DE TI", axudando a visibilizar que as persoas con TEA están ao noso carón, máis preto do que pensamos.

Álbum: Curso 2023-2024 -> 2 de abril: Día mundial do Autismo