Ola de novo familias aínda que seguimos de ponte hoxe querémosvos ofrecer un novo recurso de entretemento para os pequenos, levamos xa algúns días na casiña e non nos ven mal un pouquiño de movemento, así que propoñemos asistir a un concerto online a cargo do músico Paco nogueiras. Para acceder premede no seguinte enlace  https://www.facebook.com/paco.nogueirasnodar/videos/10218265582524112/?t=0 , se vos da problemas teriades que ir ao buscador de Facebook e poñer Paco Nogueiras Nodar para acceder ao seu perfil, alí aparece un vídeo onde vos explica os detalles deste concerto. Ademáis tamén podedes acceder a el a través do instagram de Paco Nogueiras. Animádevos, pode ser divertido! 

E recordade que unha das actividades máis importantes que podemos facer cos nenos é a lectura, lede todos os días aínda que nos non o propoñades como tarefa, lede por pracer, lede cos nen@s e lede tamén vos como adultos, porque somos o mellor modelo que poden ter.

Durante este fin de semana tamén vos invito a que faledes moito con eles, preguntádelle que lles apetece facer, podedes inventar algún xogo xuntos de aínda que tamén é importante que xoguen libremente de forma que fomentemos a súa creatividade e aprendizaxe porque esta é a maneira máis natural que teñen de aprender os cativ@s. Por suposto podedes enviarnos tamén as ideas que se vos ocorran ao noso correo (abanqueiroinfantil5anos@gmail.com), seguro son moi creativas!