blogue demariaea

Unha ficha para repasar a diferenza entre frase e oración e traballar un pouco o suxeito léxico e gramatical. 

Completade o seguinte esquema para tratar de que quede claro un contido que é un pouco abstracto e vos resultou algo confuso.

Parte do esquema xa está feito, só tedes que encher os ocos correspondentes. Aproveitádeo tamén para repasar esta parte do tema 8 que xa debedes ir estudando.

Bos días!

Que tal estades? Seguro que ben.

Para organizar mellor o traballo vouvos ir deixando algunhas actividades das materias que teriamos cada día. Imos cun día de retraso porque precisamos tempo para poñer a andar esta forma de traballo e a todos nos pillou desprevenidos.

Hoxe traballaremos polo tanto lingua, lengua, sociais e mates, que sería o que teriamos feito onte na clase.

Comezamos por mates...

Recordades que o venres teriamos o exame do tema 8, non? Pois deixovos un modelo de exame e propóñovos que o fagades como se fose un exame real, vale? Tratade de facelo o mellor posible, REPASADE e non preguntedes ou miredes no libro ata que xa acabarades todas as opcións.

Para traballar de lingua, unha ficha sinxela para repasar as preposicións e conxuncións, así como as frases feitas e as interxeccións.

Deixo algúns exercicios de repaso de fraccións. Hai un pouco de todo, excepto problemas, que os traballaremos noutro momento.

Ola!

Comezamos co traballo online cunha pequena autoavaliación de sociais, igual que algunha que xa fixemos de naturais na clase. Lembrades?

Lede despacio a pregunta e as posibles respostas. Hai algunhas que se prestan a confusión se se responden rápido. Se tedes dúbidas podedes consultar o libro, pero intentade responder antes lembrando o xa traballado.