blogue defran.alonso

Actividades Extraescolares da ANPA

Axúntase a folla de inscrición ás actividades extraescolares da ANPA. Esta folla será enviada a través das mochilas.

NOTA: Lembren que os martes NON hai profesorado de garda e polo tanto non hai servizo de garda e custodia. O alumnado de comedor debe ser recollido á 4 da tarde. A entrega dos nenos/as para cada unha das actividades do martes será directamente no pavillón.

Nós tamén creamos!

O alumnado de Educación Infantil vén de realizar este curso unha curta baseada no conto de OQO "O sultán e os ratos" que agardamos que vos guste.

Os nosos agradecementos á ANPA Napabán, que sempre está pensando no centro, pola súa doación de material educativo de Educación Infantil; sempre necesario e que acabará mellorando a formación dos máis pequenos.

Moitas grazas!

Para todos aqueles que queiran inscribirse na excursión de CIES, deben falar directamente coa ANPA ou entregar a ficha de inscrición axunta o máis pronto posible.

Premios do Certame de Cooperativismo no Ensino 2022

O noso centro vén de recibir hoxe o premio "Accésit" do Certame de Cooperativismo no Ensino 2022 pola nosa "Escultura Narrativa" que, a parte de orzamento extra para desenvolver actividades no Ciclo de Educación Infantil, nos trouxo a visita da Directora Xeral de Emprego (Margaria Ardao) e unha Obra de Teatro para os máis pequenos.

Moitísimas grazas ao profesorado activo e implicado do Equipo de Infantil e ao alumnado participante por facernos desfrutar dunha xornada como a de hoxe.

Veráns deportivos do Concello de Boiro 2022

 Publicada a oferta de actividades deportivas do Concello de Boiro para o verán 2022. O prazo de solicitudes empezará o 15 de xuño de 2022.

Axúntase tríptico e instruccións para a inscrición a través da web e correo electrónico.

Formación en Primeiros Auxilios

O noso alunado recibiu esta semana unha completa formación en Primeiros Auxilios (polo que agradecemos a colaboración da Cruz Vermella de Boiro) co fin de ir interiorizando condutas de resposta ante posibles urxencias.

Agardamos que non teñan que empregalo nunca!

Concerto musical

Hoxe desfrutamos dun fantástico concerto a cargo da Escola de Música de Boiro (EMB) e de varios dos nosos alumnos con formación musical.

Estes concertos de media semana... axúdannos a rematar o curso con máis ganas.

O alumnado do noso centro aumentou significativamente co nacemento dos pitiños que incuvamos durante as últimas 3 semanas. ¡Que emoción e que ilusión cando eclosionaron!

Moitísimas grazas a Dani (un dos pais do centro e posiblemente un dos que máis sabe de "polos") por guiarnos e cedernos as ferramentas axeitadas.

Achégase o programa de actividades da edición 2022 do Festival Audiovisual Escolar que a Asociación Cultural Olloboi organiza dende hai máis de 10 anos.

Destacar a actuación destinada a público infantil “Show Peter Punk”, espectáculo completamente gratuíto que se realizará no Parque de A Cachada a partir das 18:00 horas do venres día 10 de maio.

No caso de que alguén queira asistir á gala de entrega de premios (Abadía de San Enrique a partir das 20:30 horas) deberá realizar unha reserva de praza a través da páxina web de Olloboi.

Solicitude de servizos complementarios continuidade/novo acceso

Con motivo da actualización de listaxes de usuarios de comedor e transporte que debe realizarse preceptivamente neste mes, por se é necesaria a solicitude dunha ampliación do servizo, Rogamos que nos traian cuberto, a solicitude correspondente para o alumnado.

O alumnado que actualmente está usando o servizo levará unha copia das solicitude na súa mochila, para aqueles usuarios de nova incorporación poden descargar, cubrir e entregar a solicitude axunta ou ben solicitala na secretaría do centro.

Estamos de noraboa! Fomos premiados!

Co CEIP Plurilingüe de Abanqueiro acaba de ser galardonado co Accésit ao Certame de Cooperativismo no Ensino 2022 grazas ao traballo do alumnado e profesorado do Ciclo de Educación Infantil; logo da súa participación neste certame con "Escultura Narrativa" (unha un conto, e a súa representación plástica, elaborado polo alumnado de Educación Infantil)

Aberto prazo de inscrición na Escola de Música de Boiro

Para realizar a inscrición prema na seguinte ligazón: https://forms.gle/vuS8vz4FVatxhtKt6