Un total de 15 estudantes da FP galega ven recoñecida a súa valía nas olimpíadas Spainskills 2013
Dez deles obtiveron medalla e outros 5 mención de excelencia
Un total de 15 alumnas e alumnos da Formación Profesional galega viron esta fin de semana recoñecida a súa valía nas olimpíadas nacionais da FP, SpainSkills 2013, que se celebraron no IFEMA de Madrid. Ao longo dos 4 días de competición o alumnado galego de FP destacou, acadando 10 medallas, 3 delas de ouro, 4 de prata e 3 de bronce, ademais de 5 mencións de excelencia. Desta forma Galicia foi a quinta comunidade autónoma máis galardoada.
A delegación galega desta competición estivo composte por un total de 23 estudantes galegos que obtiveran medalla de ouro na segunda edición das GaliciaSkills, celebradas o pasado outubro., acompañados polos seus profesores titores e por un experto por cada skill. Galicia estivo representada neste certame en 21 das 33 disciplinas en competición.
A relación de galardoados é a seguinte:
|
Skill |
Premio |
Participante |
Centro Educativo Titor/a |
|
Fresaxe |
Medalla Ouro |
Alexandre Fondevila Rodríguez |
IES Politécnico (Vigo) David Queimaño |
|
Electrónica |
Medalla Ouro |
Ismael Rosende Rey |
CIFP Politécnico de Santiago (Santiago De Compostela) Ramón Mato |
|
Pastelaría |
Medalla Ouro |
Rosalía Alonso Figueroa |
CIFP Manuel Antonio (Vigo) María Teresa Lozano |
|
Sollado e azulexado |
Medalla Prata |
Daniel Nogueira Méndez |
CIFP Porta da Auga (Ribadeo) José Fernando Méndez de Andés |
|
Reparación de carrozarías de vehículos |
Medalla Prata |
Miguel Pérez Purriños |
IES As Mariñas (Betanzos) Francisco Cal |
|
Tecnoloxía do automóbil |
Medalla Prata |
Antonio López Lence |
IES As Mariñas (Betanzos) Manuel Fuentes |
|
Xardinaría paisaxística |
Medalla Prata |
Jorge Magariños Alende Sergio Lizarza Moreno |
CIFP A Granxa (Ponteareas) Eliseo Castro |
|
Coidados de beleza |
Medalla Bronce |
Jesica Martinez Amoedo |
IES de Teis (Vigo) Isolina Ferreira |
|
Tecnoloxía da moda |
Medalla Bronce |
Rocío Fernández Pérez |
CIFP Manuel Antonio (Vigo) Consuelo Carneiro |
|
Deseño gráfico |
Medalla Bronce |
Iván García Vázquez |
IES Leixa (Ferrol) José Antonio López |
|
Carpintaría |
Mención de excelencia |
Ramón Fraguas Iglesias |
CIFP A Xunqueira (Pontevedra) José Cortizo |
|
Peiteado |
Mención de excelencia |
Lucía Domínguez Alonso |
IES de Teis (Vigo) Mercedes Pose |
|
Cociña |
Mención de excelencia |
Adrián Amoedo Martínez |
CIFP Manuel Antonio (Vigo) Jesús Ramos Barcia |
|
Servizo de restaurante e bar |
Mención de excelencia |
Sainza Vázquez da Silva |
CIFP Compostela (Santiago de Compostela) María Rey Fernández |
|
Soporte de rede |
Mención de excelencia |
Alejandro Romero Rivera |
CIFP Rodolfo Ucha Piñeiro (Ferrol) Victor Manuel Martínez |
A participación galega nesta olimpíada implica un forte compromiso por parte do profesorado, por unha banda na preparación dos competidores, tarefa do profesorado titor de cada competidor, e, pola outra, na participación na elaboración das probas así como nos distintos xurados que puntúan aos competidores, profesorado experto, un por cada skill. A Consellería celebra o éxito da delegación galega, que dá conta da calidade das ensinanzas de FP que se están a impartir nos centros educativos da comunidade.