Título node Learning object
Asociación de Nenos con Altas Capacidades de Ourense (Anaco)
Xov, 10/01/2013 - 10:23
ANACO é unha asociación que xurde en 2011 sen ánimo de lucro, aconfesional e apolítica; creada por amigos dos nenos con altas capacidades (pais, nais, profesionais…) que teñen o obxectivo de responder ás inquedanzas dun grupo de familias cunha característica común: que algún dos seus membros está diagnosticado cun coeficiente intelectual superior á media.
A Asociación persegue unha metodoloxía dinámica e creativa mediante obradoiros enriquecedores para os nenos impartidos por profesionais; escola de axuda e orientación para pais e nais; servizo de información para todas as persoas interesadas no ámbito das altas capacidades así como participación en diversas investigacións e actividades levadas a cabo na provincia de Ourense.