Título node Learning object
Ficha técnica
Institución:
- Consellería de Sanidade
- Servizo Galego de Saúde
- Axencia de Doazón de Órganos e Sangue (ADOS)
- Servizo Galego de Saúde
Ámbito: saúde / solidariedade / ciencia
Definición: o programa consiste en desenvolver un proxecto relacionado co beneficio que supón para a sociedade o xesto da doazón de órganos, tecidos e sangue. Búscase que o alumnado se familiarice con todos os aspectos da doazón, de modo que a poidan ver como un exemplo de solidariedade. Os centros promoverán a elaboración dun traballo en equipo no que terán que facer visible as bondades da doazón como contribución persoal ao ben da sociedade
Vinculación cos ODS da Axenda 2030:
- ODS 3: Saúde e benestar
- ODS 4. Educación de calidade
- ODS 17. Alianzas para acadar os obxectivos
Temporización: curso completo
Modalidades:
- Doazón de órganos e tecidos: fomento de actitudes favorables cara a doazón de órganos e tecidos.
- Doazón de sangue: fomento de actitudes favorables cara á doazón de sangue.
As modalidades 1 e 2 son excluíntes.
Alumnado ao que vai dirixido:
- Doazón de órganos e tecidos: ESO, bacharelato, formación profesional grao básico, medio e superior, ensinanza para adultos, ensinanzas de réxime especial.
- Doazón de sangue: ESO, bacharelato, formación profesional grao básico, medio e superior, ensinanza para adultos, ensinanzas de réxime especial.
Límite de centros participantes:
- Doazón de órganos e tecidos: 20
- Doazón de sangue: 20
Límite de alumnado participante por centro:
- Doazón de órganos e transplantes: 120
- Doazón de sangue: 100
Criterio de selección:
- Distribución xeográfica
- Calidade do proxecto presentado
Responsables do programa:
“Doazón de órganos e tecidos”:
- Nome: Paula Boga Veiras
- Departamento: Coordinación Autonómica de Transplantes de Galicia de ADOS
- Teléfono: 881541828
- Correo electrónico: paula.boga.veiras@sergas.es
“Doazón de sangue”:
- Nome: Rosana Rego Rodríguez, técnico superior / Rosa Mª Basalo Vázquez, técnico superior
- Departamento: Formación ADOS
- Teléfono: 881546967 y 881546923
- Correo electrónico: rosa.ana.rego.rodriguez@sergas.es / rosa.maria.basalo.vazquez@sergas.gal
Xustificación
Para que as persoas enfermas que están en lista de espera poidan ser transplantadas son imprescindibles as doazóns de órganos.na actualidade unhas 5 000 persoas en España agardan unha nova oportunidade. Ademais, cada día os hospitais galegos precisan entre 400 e 500 doazóns de sangue. O sangue non se pode fabricar e só é posible obtelo coa doazón de persoas solidarias que axudan a outras a recuperar a saúde.
Para ADOS é importante manter o labor de divulgación do proceso de doazón a toda a poboación, e de maneira especial entre os más novos, xa que eles representan o futuro e teñen unha repercusión directa sobre o seu entorno familiar, académico e social. A súa axuda resulta fundamental no labor de divulgación.
Obxectivo xeral:
Modalidade “Doazón de órganos e tecidos”
O obxectivo do programa é crear un proxecto interdisciplinario que traballe a doazón de órganos e tecidos dende diferentes perspectivas, para concienciar aos máis novos, a través dunha información correcta, sobre o beneficio que a doazón e o transplante teñen para o sociedade.
Modalidade “Doazón de sangue”
Promover actividades educativas para o alumnado que os familiarice coa doazón, obtención e uso dos hemoderivados, de modo que poidan ver no acto de doar sangue un exemplo concreto de axuda mutua, de contribución persoal ao ben da sociedade e que dará lugar á súa incorporación como doantes de sangue ao alcanzar a maioría de idade, colaborando na difusión da necesidade da doazón de sangue no seu entorno.
Obxectivos específicos:
Modalidade “Doazón de órganos e tecidos”
Identificar os erros conceptuais en torno ao proceso de doazón e transplante.
Compartir coñecementos e experiencias coas persoas implicadas na doazón de órganos e tecidos (doadores, persoas en espera de transplante, persoas transplantadas, familiares, persoal sanitario).
Crear unha conciencia solidaria proclive á doazón e transmitila á contorna.
Modalidade “Doazón de sangue”
PARA O ALUMNADO
-
Coñecer que a sangue non se fabrica e que por tanto a doazón é vital para a recuperación de moitos doentes.
-
Transmitir á súa contorna a importancia deste xesto solidario, animando a doar ás persoas próximas.
-
Crear neles unha conciencia solidaria proclive á doazón.
PARA O PROFESORADO
-
Proporcionar información e recursos concretos de aplicación na aula.
-
Impulsar actitudes solidarias cara á doazón de sangue.
Palabras clave:
Doazón de órganos. Solidariedade
Metodoloxía e temporización
“Doazón de órganos e tecidos”:
1º e 2º trimestre: desenvolvemento das unidades temáticas sobre a doazón e os transplantes co alumnado . A información sobre este material de apoio está incluída no apartado "Actividades e recursos".
3º trimestre: elaboración e entrega do produto final
Antes do 30 de abril os centros participantes deben ter solicitada ou realizada a charla divulgativa sobre doazón e transplantes. A solicitude pode facerse xa ao inicio do programa.
“Doazón de sangue”:
A temporización abarca todo o curso escolar.
De outubro a maio: desenvolvemento das unidades temáticas sobre a doazón de sangue.
Xuño: elaboración e entrega do produto final
Antes do 30 de abril os centros participantes deben ter solicitada ou realizada a charla divulgativa sobre a doazón de sangue. A solicitude pode facerse xa ao inicio do programa.
Actividades e recursos
Modalidade “Doazón de órganos e tecidos”
Materiais didácticos.
Proxecto Salvavidas: material didáctico para o profesorado e alumnos: enlace proxecto salvavidas
Traballos finais doutras edicións do programa para a modalidade “Doazón de órganos e transplantes”, como material de referencia para o profesorado e alumnado no seguinte enlace: traballos finais Salvavidas
Webs de referencia:
Modalidade "Doazón de sangue"
Asistencia ao profesorado: apoio ao profesorado, telefónico ou presencial, para información inicial de cara ao inicio de traballo de aula.
Asistencia no centro: os promotores da Axencia poden impartir charlas nos centros.
Material didáctico: para o profesorado e para o alumnado, información divulgativa na páxina web de ADOS: https://www.ados.sergas.gal
- Traballo co alumnado da temática sobre doazón de sangue
- Participación no programa de charlas divulgativas (presencias ou por videoconferencia) sobre a doazón de sangue organizadas pola Axencia de Doazón de Órganos e Sangue, e no que se valorará a colaboración do centro na organización da actividade e a motivación ao alumnado na participación activa.
- Posibilidade, para os alumnos de 1º de Bacharelato, de visitar a sede da Axencia segundo axenda do mesmo. O centro docente farase cargo dos custos derivados do traslado. Se admitirá, por orden de solicitude, un máximo de 10 de visitas, con 30 alumnos por visita.
- Posibilidade de visita da Unidade Móbil da Axencia, ben ás instalacións do Centro docente ou coincidindo coa visita ao Concello, en función de si os alumnos/as desenrolan unha campaña de doazón nas actividades do proxecto.
- Posibilidade de participación nos concursos de debuxo e/ou curtametraxes organizados pola Axencia.
Produto final
Modalidade “Doazón de órganos e tecidos” e Modalidade “Doazón de sangue”
Presentación dun traballo final en formato libre, coa participación de todo o alumnado de forma individual ou conxunta, e cuxo contido tratará sobre o beneficio da doazón de órganos e tecidos.
Criterios de avaliación da memorias finais
Criterios xerais do Plan Proxecta:
-
Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final etc).
-
Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
-
Impacto e difusión do proxecto. É imprescindible incorporar na memoria, a través de ligazóns (páxinas web, blogs etc), evidencias gráficas e/ou documentais do traballo realizado que permitan constatar o desenvolvemento do proxecto.
Criterios específicos: Modalidade “Doazón de órganos e tecidos” e Modalidade “Doazón de sangue”
-
Grao de participación e implicación do alumnado na temática sobre doazón e transplantes, é preciso desenvolver polo menos a temática de tres unidades do Proxecto Salvavidas.
-
Grao de participación no programa de charlas divulgativas e no que se valorará a colaboración do centro na organización da actividade e a motivación do alumnado na participación activa da mesma.
-
Calidade do traballo final en formato libre, coa participación de todo o alumnado de forma individual ou conxunta, e cuxo contido trata sobre o beneficio da doazón e/ou os transplantes e sobre a doazón de sangue.
Selección de boas prácticas:
CPR Montesol de Vigo:
IES Xelmirez I de Santiago de Compostela:
IES Ribeira do Louro de Porriño: