Título node Learning object
Ficha técnica
Institución:
- Consellería de Medio Ambiente e Cambio Climático
- Sociedade Galega do Medio Ambiente (SOGAMA, S.A.)
Ámbito: medio ambiente / desenvolvemento sostible / consumo responsable
Definición: Programa de educación ambiental que ten por obxecto instaurar nos centros a xestión sostible dos residuos municipais a través da aplicación práctica do principio europeo dos tres erres, isto é, redución, reutilización e reciclaxe. Con tal fin, os centros, coa axuda de Sogama, levarán a cabo as accións necesarias para que a correcta xestión dos refugallos sexa unha realidade nas aulas e que as boas prácticas se trasladen á contorna familiar e social do alumnado.
Vinculación cos ODS da Axenda 2030
- ODS 11. Cidades e comunidades sustentables
- ODS 12. Produción e consumo responsable
- ODS 13. Acción polo clima
Temporización: curso completo
Alumnado ao que vai dirixido: Educación Primaria, ESO e Formación Profesional Básica
Límite de centros participantes: 25
Límite de docentes participantes por centro: 7 como máximo
Límite de alumnado participante por centro: 180 como máximo
Criterios de participación: os centros candidatos deben pertencer a algún dos 295 concellos adscritos ao sistema Sogama.
Criterios de selección (por orde):
- Non ter participado en edicións anteriores do programa “Recíclate con Sogama”.
- Ter presentado unha candidatura que se axuste aos obxectivos do programa e que sexa de calidade.
- No caso de que haxa máis de 25 centros candidatos que dean cumprimento aos dous requisitos anteriores, a selección farase por orde de solicitude.
Responsable do programa:
Nome: Mª Esther Campos Mosquera
Departamento: Responsable de Comunicación de SOGAMA
Teléfono: 981698500. Ext. 211
Correo electrónico: teric@sogama.es; comunicacion@sogama.es
Xustificación
Recíclate con Sogama comenzou a súa andaina no Plan Proxecta a principio do curso académico 2012/2013. O seu obxectivo é formar á comunidade educativa na práctica dos tres erres (redución, reutilización e reciclaxe), e concienzala para loitar contra a contaminación ambiental a través da xestión sostible do lixo.
Este programa enmárcase na estratexia de educación ambiental promovida por Sogama.
Obxectivos xeral
Implantar nos centros a xestión sostible dos residuos municipais a través de prácticas vinculadas á redución da produción, á reutilización e á reciclaxe, previa segregación dos mesmos por tipos de material e posterior nos contedores correspondentes para garantir a súa posterior reciclaxe.
Obxectivos específicos
- Que a comunidade educativa tome conciencia da problemática que, a día de hoxe, representa a elevada produción de lixo e o papel que debe desempeñar o cidadán para facer fronte á mesma.
- Que comprenda e aplique cada día a estratexia dos tres erres (redución, reutilización e reciclaxe) como primeiro elo na correcta xestión sostible dos residuos urbanos.
- Que interiorice a importancia do labor individual e colectivo na xestión sostible do lixo para facer fronte ao cambio climático
- Que profesorado e alumnado desenvolvan tamén unha tarefa pedagóxica na súa contorna familiar e social máis inmediata para que cada vez sexamos máis os cidadáns comprometidos cos tres erres e, por ende, coa protección do medio ambiente.
- Coñecer o cometido de Sogama en Galicia desde a súa dimensión industrial, ambiental e educativa e social.
Desenvolvemento das competencias clave
- Competencia matemática e competencias básicas en ciencia e tecnoloxía
- Competencia dixital
- Competencia en aprender a aprender
- Competencias sociais e cívicas
- Sentido de iniciativa e espírito emprendedor
Metodoloxía e temporiazación
Actividades obrigatorias:
1º trimestre:
- Diagnóstico inicial, por parte do persoal de Sogama, da experiencia de cada centro na educación ambiental, e na xestión sostible do lixo en particular, a través de entrevistas cos docentes coordinadores e/ou directores/as, recabando datos de interese para o programa.
- Envío, aos centros participantes, dos medios materiais e didácticos proporcionados por Sogama
2º trimestre:
- Formación do alumnado a través de sesións presenciais e/ou virtuais impartidas por educadores de Sogama en cada centro.
- Visita de seguimento aos centros para comprobar a evolución dos proxectos, prestar asesoramento e resolver dúbidas.
- Convocatoria do concurso de elaboración de carteis promocionais da reciclaxe.
3º trimestre:
- Nova visita de seguimiento aos centros, que será aproveitada para efectuar unha caracterización dos residuos depositados en cada un dos contedores de recollida selectiva proporcionados por Sogama para comprobar a calidade do material e medir así o grao de acerto ou erro
Actividades e recursos
Entre as actividades do programa recóllense as seguintes:
-
Formación: sesións formativas presenciais e/ou virtuais, xogos
-
Web de referencia: www.sogama.gal; www.cadernoverde.gal
-
Medios materiais: contedores para a recollida selectiva de residuos (catro con capacidad para 120 litros cada un -amarelo, para envases de plástico, latas e briks; azul, para papel e cartón; marrón, para a materia orgánica; e xenérico, para a fracción resto- que conformarán as illas de reciclaxe a implantar en cada centro.
-
Medios didácticos e divulgativos: unidades didácticas, vídeos, titoriais para o profesorado, presentacións, folletos en liña
-
Concurso para a elaboración, por cada centro participante, dun cartel promocional da reciclaxe.
-
Visitas de seguimento presenciais por parte de persoal ao servizo de Sogama.
-
Caracterizacións dos contedores para comprobar o nivel de acerto ou erro no depósito de residuos nos mesmos
Produto final
O produto final esixido será un vídeo, de non máis de 2 minutos de duración, no que se resuma o traballo realizado polo centro durante o curso académico.
Criterios de avaliación da memorias final
Criterios xerais do Plan Proxecta
1 .Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación
activa do alumnado no desenvolvemento do proxecto (toma de decisións, realización do produto final etc).
2. Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
3. Impacto e difusión do proxecto. É imprescindible incorporar na memoria, a través de ligazóns (páxinas web, blogs etc), evidencias gráficas e/ou documentais do traballo realizado que permitan constatar o desenvolvemento do proxecto
Criterios específicos
4. Implicación, receptividade e colaboración do centro (coordinador/a, profesorado participante e Dirección) nas actividades (presenciais ou virtuais) propostas por Sogama.
5. Calidade do material seleccionado en orixe e depositado en cada un dos contedores que conforman as illas de reciclaxe. É dicir, puntuaranse os acertos á hora de depositar cada residuo no recipiente correspondente e penalizaranse os erros (ter depositado refugallos no contedor equivocado, o que se coñece como “impropios”).
6. Desenvolvemento de accións nas que se implique ás familias e contorna social do alumnado e/ou aos concellos aos que pertenzan os centros a fin de reforzar e amplificar as boas prácticas na xestión sostible dos residuos urbanos.