O programa sectorial Grundtvig ten como meta mellorar a calidade e a dimensión europea da educación de adultos nun sentido amplo, incluíndo a ensinanza formal, a non formal e a informal, incluída a autoaprendizaxe.
Subvenciona as seguintes accións descentralizadas xestionadas pola Axencia Nacional:
Asociacións de aprendizaxe, en torno a temas de interese mutuo para as organizacións participantes dos países que as integran.
Mobilidade individual:
Axudas para a formación continua do persoal de educación de persoas adultas, co obxecto de mellorar o desenvolvemento profesional do persoal de educación de persoas adultas, facilitando a asistencia a cursos que favorecerían unha formación de calidade, mellora das competencias e unha visión máis ampla da aprendizaxe permanente en Europa.
Visitas e intercambios encamiñados a mellorar as competencias educativas, de xestión e orientación do persoal e futuro persoal de educación de persoas adultas mediante prácticas de observación en institucións afíns, asistencia a conferencias ou seminarios, etc.
Axudantías Grundtvig para o persoal e futuro persoal formador de persoas adultas de calquera materia, que poderá realizar unha mobilidade de longa duración para colaborar nunha institución de educación de persoas adultas, unha ONG, etc.
Proxectos de voluntariado para persoas maiores, que facilitarán a realización de intercambios de persoas voluntarias maiores de 50 anos para desenvolver iniciativas baseadas na aplicación de coñecementos e aprendizaxe nun país europeo.
Seminarios Grundtvig: acción mediante a que institucións do ámbito da educación de persoas adultas poderán organizar seminarios de temática variada dirixidos a persoas maiores de 18 anos, que constituirán unha experiencia de aprendizaxe de carácter europeo multinacional.
Visitas preparatorias: unha axuda á mobilidade para que un representante dunha institución poida asistir a un seminario de contacto ou a unha reunión con futuros socios.
Tamén subvenciona as seguintes accións centralizadas, xestionadas pola Axencia Executiva para a Educación, os Medios Audiovisuais e a Cultura.
Proxectos multilaterais, encamiñados a mellorar os sistemas de educación de persoas adultas mediante o desenvolvemento e a transferencia de innovacións e boas prácticas.
Redes temáticas de expertos e organizacións que traballan no desenvolvemento e a calidade do ensino de persoas adultas e a difusión de boas prácticas.
Medidas de acompañamento: outras iniciativas encamiñadas a promover os obxectivos do programa Grundtvig.
Para máis información:
Exemplo de boas prácticas
Participantes
