Listaxes provisionais das axudas destinadas a persoas tituladas universitarias en situación de desemprego para a matrícula nun máster universitario oficial ofertado polas universidades do SUG, 2024/25

De conformidade co artigo 10 da orde do 29 de xullo de 2024 (DOG do 9 de agosto) pola que se establecen as bases reguladoras e se procede á convocatoria de axudas destinadas a persoas tituladas universitaria en situación de desemprego para a matrícula nun máster universitario oficial ofertado polas universidades públicas do Sistema universitario de Galicia no curso académico 2024/25 (código de procedemento ED421A), procédese á exposición das Listaxes provisonais de solicitudes admitidas e excluídas, e os motivos de exclusión.

As persoas interesadas disporán dun prazo de reclamación de dez días. Durante ese prazo, poderán emendar os erros e a falta de documentación a través da sede electrónica da Xunta de Galicia (https://sede.xunta.gal/portada). Para iso, deberán acceder á Carpeta cidadá e xuntarán, se é o caso, a documentación necesaria nos modelos “achega de documentación separada da solicitude” ou “emenda ao requirimento”.

Prazo de presentación da documentación do 24 de outubro ao 7 de novembro de 2024.