Publicación da asignación de niveis de competencia dixital docente a roles e postos docentes para a acreditación de oficio

O procedemento de acreditación de oficio realizarao a Administración tendo en conta a información xa rexistrada e que está en poder da Consellería. As persoas que opten a esta acreditación non terán que presentar solicitude.    

A acreditación de oficio será resolta antes do 27 de setembro de 2024 e poderá consultarse no Rexistro de Acreditación da CDD (en Fprofe), integrado no Rexistro Xeral de Actividades de Formación Permanente do Profesorado nos días seguintes na medida que os sistemas informáticos vaian facendo a carga paulatinamente. 

A partir do 27 de setembro, as persoas que desempeñaran algún rol ou posto docente recollido no anexo I da Resolución do 5 de xullo que non vexan reflectido no Rexistro de Acreditación da CDD o seu nivel poden dirixirse ao correo acreditacionCDD@edu.xunta.gal xustificando o desempeño dese rol/posto docente. 

Acceso aos informes de acreditación de nivel CDD a roles e postos docentes: Acreditación CDD.